Innovatsııalyq damýdy quqyqtyq qamtamasyz etý máselelerine arnalǵan halyqaralyq konferentsııa ótedi
ALMATY. 8 jeltoqsan. QazAqparat /Erlik Erjanuly/ - Almatyda 10- jeltoqsan kúni «Qazaqstannyń ınnovatsııalyq damýyn memlekettik-quqyqtyq qamtamasyz etýdiń ózekti máseleleri» dep atalatyn halyqaralyq ǵylymı-tájirıbelik konferentsııa bolady.
QR Táýelsizdiginiń 20 jyldyǵyna arnalǵan bul sharany ál-Farabı atyndaǵy QazUÝ zań fakýltetiniń memleket jáne quqyq teorııasy men tarıhy, konstıtýtsııalyq jáne ákimshilik quqyq kafedrasy uıymdastyryp otyr. Oǵan Qazaqstannyń jáne shet memleketterdiń zań salasynyń ǵalymdary, ǵylymı-zertteý ınstıtýttarynyń mamandary, memlekettik organdardyń, saıası partııalar men qoǵamdyq birlestikterdiń ókilderi, joǵary oqý oryndarynyń oqytýshylary men RhD doktoranttary qatysady. Bul alqaly jıynda myna máseleler talqylanbaq - Qazaqstannyń ınnovatsııalyq damýyn memlekettik-quqyqtyq qamtamasyz etýdiń teorııalyq, tájirıbelik jáne tarıhı máseleleri. Egemendi Qazaqstannyń ınnovatsııalyq damýynyń sharttary retinde Qazaqstan qoǵamynyń quqyqtyq-ónegelik patrıottyq tájirıbeleýdiń máselelerin ózektilendirý. Dástúrli kezeńdegi qazaqtardyń quqyqtyq qundylyqtarda, ıdeıalarda, quqyq normalaryn qoldaný negizinde Qazaqstan qoǵamynyń quqyqtyq mádenıetin qalyptastyrý». Qazaqstan jáne shet elderiniń ınnovatsııalyq damýyn memlekettik basqarýdyń konstıtýtsııalyq-quqyqtyq, ákimshilik-quqyqtyq jáne qarjylyq-quqyqtyq negizderi. Innovatsııalyq protsesterdi retteýdiń quraly retinde memlekettik organdardyń zań shyǵarmashylyq jáne quqyq-qoldanýshylyq tájirıbeni damytýdyń máseleleri. Memlekettik qurylys júıesinde paradıgma aýysýynyń jaǵdaıynda azamattyq quqyqtardyń júzege asyrylýynyń kontseptýaldy negizderi. Azamattyq qoǵam ınstıtýttarynyń damýynyń quqyqtyq máseleleri.
