Innovatsııalyq damýdaǵy ІT - tehnologııalar Qazaqstanǵa jetti
ASTANA. 8 maýsym. QazAqparat/Aqbota Kúzekbaı/ - Búgin Astanadaǵy «Pekın Palas Soluxe Hotel Astana» qonaqúıinde «Qazaqstannyń ınnovatsııalyq ekonomıkasynyń damýyndaǵy ІT- tehnologııalar» atty forým ótti.
Bul sharany uıymdastyrýshylar - QR Baılanys mınıstrligi men Microsoft Qazaqstan kompanııasy. Forýmǵa sonymen qatar túrli mınıstrlikter men vedomstvolar, ulttyq kompanııa ókilderi, ınnovatsııalyq qorlar qyzmetkerleri qatysty. Osy tektes forým elimizde besinshi ret ótýde jáne ınnovatsııalyq tehnologııalarǵa qatysty aýqymdy sıpat alyp keledi.
Elimizdegi jańa baǵyttaǵy ınnovatsııalyq tehnologııalardy damytýda osy forýmnyń mańyzy zor. ІT tehnologııalar uǵymy tek Qazaqstanda ǵana emes, basqa shet elderde keıingi kezde qoldanylyp júrgen aýqymdy baǵdarlama bolyp tabylady. Jıynda sóz alǵan «Microsoft Qazaqstannyń» bas dırektory Karl Devıs-Barret tehnologııalyq esepteýdiń ІT modelin túsindirdi. Sońǵy 3-4 jylda kompıýterlerdegi ІT esepteýler qazirgi naryqta úlken orynǵa ıe. Endigi kezekte memlekettik sektordaǵy ІT tehnologııalardy paıdalaný isi qolǵa alynbaq. Onyń ınfraqurylym, ekonomıka, bıznes sektory men basqa da ınnovatsııalyq qyzmetterde qoldanylýy qaýipsizdik pen jedeldilikti qamtamasyz etedi. ІT ortalar óz-ózine qyzmet kórsetý, ıkemdilik, esepteý júrgizý, qorlardy ortalyqtandyrylǵan basqarý sııaqty sıpattamalardan turady. Ganter taldaý kompanııasynyń baǵalaýyna saı 2012 jylǵa qaraı álem boıynsha myńǵa tarata kásiporyndardyń 80 paıyzy ІT esepteýlerdiń qyzmetterin paıdalanatyn bolady.
