Innovatsııalyq damýda energetıka mańyzdy orynǵa ıe - ál-Farabı atyndaǵy QazUÝ prorektory
ALMATY. 31 qazan. QazAqparat - Almatyda «Energııalyq tıimdi tehnologııalar: zamanaýı tendentsııalar jáne damý keleshegi» dep atalatyn ǵylymı-tájirıbelik konferentsııa ótip jatyr. Ony ál-Farabı atyndaǵy Qazaq ulttyq ýnıversıteti Joǵary tehnologııalyq, energııalyq tıimdilik jáne ınnovatsııalyq kompanııalar qaýymdastyǵymen (KAVEIK) birlesip uıymdastyryp otyr.
«Innovatsııalyq damýda energetıka mańyzdy orynǵa ıe. Búgingi ǵylymı jıynda dástúrli energııa kózderimen qatar, jel, kún sııaqty balama energııa kózderin damytý máseleleri qarastyrylýda. Sonymen birge olardy tabý joly, tehnıkasy ǵana aıtylyp qoımaı, mamandar olardy qalaı júzege asyrý kerektigi jóninde óz oılarymen bólisip, jobalaryn usynyp otyr. Sol jobalardyń kem degende bir-ekeýi óz jemisin berip, tabys keltirse, konferentsııa óz maqsatyna jetti dep bilemiz», - deıdi repýblıkadaǵy jetekshi joǵary oqý ornynyń ǵylymı-ınnovatsııalyq jumystar jónindegi prorektory Tilekqabyl Sábıtov. Onyń aıtýynsha, konferentsııa barysynda KAVEIK bazasynda energııalyq tıimdilik boıynsha saıt pen Qazaqstandaǵy energııalyq tıimdi tehnologııalar men qyzmetter málimetter qoryn qurý máselesi qaralmaq.
