Innovatsııalyq damý baǵdarlamasy aıasyndaǵy jumys oryndarynyń 55 paıyzy orta tehnıkalyq bilimi bar qyzmetkerlerge arnalǵan

ASTANA. Qyrkúıektiń 24-i. QazAqparat /Marlan Jıembaı/ - Búgin elordada «Adam kapıtalynyń sapasy men Qazaqstan áleýetin jańartý prespektıvalary» taqyrybynda «Nur Otan» HDP Saıası keńesiniń áleýmettik-ekonomıkalyq saıasatty iske asyrý jónindegi komıssııasynyń otyrysy ótti.

Alqaly jıyn aıasynda BAQ ókilderine suhbat bergen Eńbek jáne halyqty áleýmettik qorǵaý mınıstri Gúlshara Ábdiqalyqova elimizdiń Údemeli ındýstrııalyq-ınnovatsııalyq damý memlekettik baǵdarlamasy aıasynda qurylatyn jobalarǵa qandaı kadrlar qajet etiletindigin málim etti.

Onyń atap ótýinshe, mınıstrlik ındýstrııalandyrý kartasyna engizilgen 237 jobaǵa qajet etiletin jumys kúshi mamandyqtaryna saraptama júrgizgen. «Bul jobalarda 235 myń adamǵa jumys orny ashylady. Jumys orny kóliktik, energetıkalyq ınfraqurylymdardy qamtamasyz etýde, munaı-gaz sektorynda, taý-ken kesheninde, týrıstik ındýstrııada jáne mashına jasaý salasynda kóp jumys oryndary ashylatyn bolady», dep naqtylaı tústi G.Ábdiqalyqova.

Sonymen qatar mınıstrdiń aıtýyna qaraǵanda, Údemeli ındýstrııalyq-ınnovatsııalyq damý baǵdarlamasy aıasyndaǵy barlyq jobalardaǵy jumys oryndarynyń 55 paıyzy orta tehnıkalyq bilimi bar qyzmetkerlerge arnalǵan. Al 15 paıyzy joǵary bilimdi kadrlardy qajetsinse, 30 paıyzy mamandardan biliktilik talap etpeıdi.