Innovatsııalyq baǵyttyń barlyǵynda básekege qabiletti bolýǵa nazar aýdarǵan mańyzdy -Úkimet basshysy
ASTANA. 6 jeltoqsan. QazAqparat /Qanat Mámetqazyuly/ - Búgin Astanada ótip jatqan «Innovatsııalyq Qazaqstan - 20 jyldyq táýelsizdik jolynan keıingi bolashaqqa kózqaras» atty Innovatsııalyq forýmy jumysy aıasynda Prezıdenttik ınnovatsııalyq klýbtyń alǵashqy otyrysy bolyp ótti.
Onyń jumysyna Úkimet basshysy Kárim Másimov qatysty.
Jıyn barysynda Premer-Mınıstr Qazaqstanda ınnovatsııa máselesiniń asa mańyzdy ekendigin atap ótti. «Meniń osy shara barysyna eki márte qatysyp, taǵy da ınnovatsııa týraly aıtýymnyń mánisi de sonda jatsa kerek», - dep atap ótti K. Másimov. Sonymen qatar, Úkimet basshysy búgingi basqosý barysynda Innovatsııalyq jobalar kórmesin aralap kórgenin, onda Qazaqstandaǵy ınnovatsııalyq jobalar týraly tikeleı aqparat alǵanyn jetkizdi.
«Sondyqtan da meniń oıymsha bul eki kúnniń mańyzy zor boldy. Bul bizge de, qonaqtarymyzǵa da ınnovatsııa salasyndaǵy qazirgi problemalardy talqylaýǵa úlken múmkindik usyndy. Eń bastysy tez ózgerip jatqan,shapshań qubylatyn almaǵaıyp zamanda AQSh, Eýropa elderi sekildi kóptegen ındýstrııalyq damyǵan elderdiń ózi ınnovatsııaǵa odan saıyn mańyz bere bastady. Sondyqtan da, bul máselede jańadan týatyn ınnovatsııanyń tutynýshysy kim bolady, degenge kóp nazar aýdarý kerek sekildi. Meniń oıymsha, álemde ınnovatsııalyq ındýstrııa zor progresspen damı túsedi. Sondyqtan da, Qazaqstanǵa, qazaqstandyq ınnovatorlarǵa sol ınnovatsııanyń baǵyttalatyn jolyna nazar aýdarǵan lázim. Búgingi kúni ınternet arqyly kez kelgen aqparatty, kez kelgen jerden alýdyń joly bar. ıAǵnı, tek óziniń jergilikti naryǵynda ǵana básekege qabiletti bolyp qalý ońaı sharýa emes. Óıtkeni, bundaı jaǵdaıda kez kelgen adam jahandyq jeli arqyly da básekege tap bolatyny belgili. Sondyqtan da, biz jumys istep jatqan baǵyttyń barlyq iste básekege qabiletti bolýǵa nazar aýdaratyn bolamyz», - dedi K. Másimov.
Sonymen qatar, Úkimet basshysy jıynǵa qatysýshylarǵa rızashylyǵyn bildirip, onyń mańyzy erekshe ekendigin jetkizdi.
