Innovatsııalar reıtıngi: Qazaqstan 131 eldiń ishinde 77-orynda

NUR-SULTAN. QazAqparat – Innovatsııa deńgeıi boıynsha álem elderiniń 2020 jylǵy reıtınginde Qazaqstan 131 memlekettiń arasynda 77-oryndy ıelendi, dep habarlaıdy QazAqparat ranking.kz saıtyna silteme jasap.

QR ındeksi 28,6-ny qurady. Bul Qyrǵyzstanǵa qaraǵanda kóp, biraq Reseı, Armenııa jáne Belarýs sııaqty EAEO elderine qaraǵanda az.

Reıtıngini Shveıtsarııa, Shvetsııa jáne AQSh bastap tur.

Innovatsııalar deńgeıi boıynsha reıtıng álem elderiniń ınnovatsııalyq damý kórsetkishteriniń neǵurlym tolyq keshenin bildiredi. Innovatsııalar ındeksi ekonomıkalyq damýdyń túrli deńgeıindegi elderdiń ınnovatsııalyq damýyn egjeı-tegjeıli sıpattaıtyn ártúrli 80 aýyspaly kórsetkishti qamtıdy.

Indekste kórsetkishterdiń eki toby baǵalanady:

• ınnovatsııalardy júrgizý úshin qolda bar resýrstar men jaǵdaılar (Innovation Input);

• ınnovatsııalardy júzege asyrýdyń qol jetkizilgen praktıkalyq nátıjeleri (Innovation Output).

Qazaqstan atalǵan kórsetkishterdiń 1-toby boıynsha reıtıngide 131-den 60-oryndy,2-top boıynsha 94-oryndy ıelendi.

Innovatsııalardyń damý deńgeıin sıpattaıtyn barlyq 80 kórsetkish 7 iri sanatqa biriktiriledi. Olardyń ishinde QR-da «ınstıtýttar» (ınstıtýtsıonaldyq qurylym) sanatynda eń joǵary kórsetkish bar: munda el ındeksi 69-dy qurady. «Instıtýttar» sanaty bıznesti, saıası ortany jáne normatıvtik-quqyqtyq bazany baǵalaıdy.

Qazaqstandaǵy eń tómen kórsetkish – «shyǵarmashylyq nátıjeler» sanaty boıynsha: munda ındeks nebári 12,9-dy qurady (reıtıngtiń 105-shi joly). Bul sanat materıaldyq emes aktıvterdi, shyǵarmashylyq taýarlardy, sondaı-aq qyzmetter men ınternet-shyǵarmashylyqty eskeredi.