Innovatsııa salasynda úzdik materıaldar daıyndaǵan jýrnalıster marapattaldy
ASTANA. 6 jeltoqsan. QazAqparat /Aıdar Ospanalıev/ - Búgin Innovatsııalyq forým aıasynda ınnovatsııa salasyndaǵy úzdik jýrnalıstik materıaldarǵa jarııalanǵan «Órleý aqparaty» respýblıkalyq konkýrsynyń jeńimpazdary marapattaldy.
Baıqaý qorytyndysy boıynsha, «Aıqyn» basylymynyń tilshisi Aıhan Sháriptiń «Innovatsııalyq ekonomıka qurý - jalpyulttyq órleý ıdeıasy» atty maqalasy qazaq tilindegi eń úzdik maqala dep tanyldy. Al orys tilindegi úzdik jarııalanym boıynsha júlde «Delovoı Kazahstan» basylymynyń tilshisi Irına Lısstiń «Katalızator masshtabnyh reform» atty maqalasyna berildi. Internettegi úzdik materıal atalymy «Qazaq aqparat agenttiginiń» tilshisi Marlan Jıembaıdyń «Ylǵal saqtaıtyn tehnologııa jerden mol ónim alýǵa múmkindik beredi» atty maqalasy úshin, al orys ınternettegi úzdik materıal júldesi osy agenttiktiń tilshisi Serik Sabekovtiń «V tekýşem godý NIF planırýet sozdat dva venchýrnyh fonda» atty maqalasy úshin berildi.
Sondaı-aq qazaq tilindegi úzdik radıobaǵdarlamany qazaq radıosynan Lázzat Noǵaıbaı, orys tilindegi úzdik radıobaǵdarlamany qazaq radıosynan Sholpan Naımanbaeva, qazaq tilindegi úzdik telesıýjetti «Qazaqstan» ulttyq telearnasynan Jazıra Dosmaǵambetova, orys tilindegi úzdik telesıýjetti jetinshi arnadan Baýyrjan Shýrmanov daıyndaǵan dep tanyldy.
