Inna Bondarenko ulynyń múrdesin Qytaıdan Qazaqstanǵa ákelýdi resimdeýge járdemdesken dıplomattarǵa alǵys aıtty
BEIJІŃ. QazAqparat - QHR-daǵy QR Elshiligi konsýldyq bólimniń járdemimen Harbın qalasynda qaza tapqan Gleb Bondarenkonyń denesin Qazaqstanǵa jetkizýdi resimdeý aıaqtaldy. Onyń múrdesin sársenbiden beısenbige qaraǵan túni KS228 reısimen ákeledi.
«Bizge elshilik kómektesti. Konsýl qaǵazdar, tabytty Harbınge jetkizý problemalaryn sheship berdi. Buǵan deıin jumystar júrmeı, bógelip qalǵan edi. Konsýldyqtyń aralasýymen másele jyldamyraq sheshildi. Olarǵa rahmet», - dedi «QazAqparat» tilshisine bergen suhbatynda Glebtiń anasy Inna Bondarenko.
Onyń aıtýynsha, múrdeni Qazaqstanǵa 16-synan 17-sine qaraǵan túni jetkizedi.
Eske salsaq, 9 naýryzda elshilikke Qazaqstan azamatshasy Inna Bondarenko 2009 jyly týylǵan Gleb Bondarenkonyń denesin elge ákelý úshin qujattar resimdeýge járdemdesý ótinishimen júgingen. Ol 8 naýryzda Heılýntszıan soltústik-shyǵys provıntsııasyndaǵy Harbın qalasynda qaza tapqan. Ólimine sebep - mı baǵanasynyń dıffýzııalyq glıomasy.
