«Inklıýzıvti qala»: Almatyda erekshe qajettilikteri bar adamdar úshin 3,1 myń áleýmettik nysan beıimdeledi
ALMATY. KAZINFORM - Almatyda «Inklıýzıvti Almaty 2025-2030» qalalyq tujyrymdamasy ázirlenip jatyr
Jumyspen qamtý jáne áleýmettik baǵdarlamalar basqarmasynyń málimetinshe, tujyrymdama teń múmkindikterdi qamtamasyz etýge jáne osy sanattaǵy azamattardy qala ómiriniń barlyq salalaryna tolyqqandy engizýge baǵyttalǵan.
- Bıyl 32,5 myń qalalyq ınfraqurylym obektilerin pasporttaý josparlanǵan. Bul protsesti avtomattandyrý úshin naqty ýaqyt rejıminde obektilerdi pasporttaý men beıimdeý barysyn jedel baqylaýǵa múmkindik beretin mobıldi platforma quryldy.
Budan basqa, 2030 jylǵa deıin erekshe qajettilikteri bar adamdar úshin qalalyq ınfraqurylymnyń 3,1 myń áleýmettik obektilerin kezeń-kezeńimen beıimdeledi, - dep habarlady basqarmadan.
Eske salaıyq, bıyl 1 qyrkúıekte Almatyda qansha mektep ashylatynyn jazǵanbyz.