Inklıýzıvti forým jáne ekokerýen: partııalar demalys kúnderi qandaı is-sharalar ótkizdi
ASTANA. KAZINFORM — 8-9 tamyzda partııalar turǵyndarmen jáne eńbek ujymdarymen kezdesip, forýmdar men taqyryptyq is-sharalar ótkizdi. Kezdesýlerde aýyl medıtsınasy, agrosektor, ekologııa, bıznesti qoldaý, ınklıýzııa jáne salyq saıasaty máseleleri talqylandy.
Shymkentte «Ádilet» partııasynyń tóraǵasy Aıbek Dádebaı saılaýaldy baǵdarlamanyń «Zań jáne tártip» blogy týraly aıtyp berdi. Ol sondaı-aq Qazaqstannyń zaıyrly memleket ekenin jáne jańa Konstıtýtsııanyń erejeleri eshkimdi bólip-jarmaı, barlyǵy úshin mindetti ekenine toqtaldy. Onyń aıtýynsha, qoǵamǵa eldiń zańnamasy men dástúrlerine qaıshy keletin kózqarastardy tańýǵa jasalǵan áreketter quqyqtyq baǵa alýy tıis. Sondaı-aq sóz barysynda dástúrli otbasylyq qundylyqtardy qorǵaý taqyryby qozǵaldy.
Partııa saılaýshylardy Quryltaı depýtattyǵyna kandıdattarmen tanystyrýdy da jalǵastyrdy. Dınara Zákıeva balalar men otbasylardyń quqyqtaryn qorǵaý salasyndaǵy jumysy týraly aıtyp berdi, Aıjan Aımaǵanova kásibı zańgerlik tájirıbesine toqtaldy. Ýlıana Ashımova óz sózinde saılaýǵa qatysý aıasyndaǵy basymdyqtaryn tanystyrdy. Kandıdat Laýra Qarabasova QASQAZHOL YouTube arnasyna bergen suhbatynda jastardy qoǵamdyq protsesterge tartý jáne jas mamandardyń óz óńirlerinde qalyp, jumys isteýine múmkindik berý týraly pikir bildirdi.
Astanada Kemal Atatúrik atyndaǵy saıabaqta Jalpyulttyq sotsıal-demokratııalyq partııa Kazakhstan Inclusive Forum 2026 otbasylyq forýmyn ótkizdi. Partııanyń málimetinshe, is-sharaǵa júzdegen adam — múgedektigi jáne aýtızmi bar balalardy tárbıelep otyrǵan otbasylar, sarapshylar, partııa belsendileri jáne ÚEU ókilderi qatysty.
Baıandamalarmen partııa tóraǵasy Ashat Rahımjanov, sondaı-aq kandıdattar Nýrııa Baltabaıqyzy, Ajar Saǵandyqova, Talǵat Tatıkov jáne Naýryz Saılaýbaı sóz sóıledi. Forým qorytyndysy boıynsha partııa áleýmettik qorǵaý jónindegi saılaýaldy blogyna engizýdi josparlap otyrǵan usynystar ázirlenetinin habarlady.
«Baıtaq» partııasynyń eko-karavany Almatyǵa jetip, ony qalalyq fılıal ókilderi men partııa tóraǵasy Azamathan Ámirtaev qarsy aldy. Іs-shara ekologııalyq kólik pen qalanyń ekologııasy máselelerine arnaldy. Aqmola oblysynda partııa kámeletke tolmaǵandarǵa áleýmettik-quqyqtyq jáne psıhologııalyq qoldaý kórsetý ortalyǵynda kezdesý ótkizip, qıyn ómirlik jaǵdaıǵa tap bolǵan balalardy qorǵaý máselelerin talqylady.
Jetisý oblysynyń Kóksý aýdanynda partııa ókilderi Muqyr aýyldyq okrýginiń turǵyndarymen kezdeskennen keıin jergilikti qoqys polıgonynda qaldyqtardy jınaý jáne saqtaý jaǵdaıymen tanysty.
Astanada Qazaqstannyń Halyq partııasy qalalyq velosport federatsııasynyń jattyqtyrýshylarynyń qatysýymen balalar men eresekterge arnalǵan velojattyǵý ótkizdi. Semeıde Qurylysshylar kúnine oraı kandıdattar sılıkat kirpish óndiretin «Sılıkat» JShS kásipornyna baryp, eńbek ujymymen kezdesýde otandyq qurylys materıaldaryn óndirýshilerdi qoldaý, eńbekaqy tóleý jáne óndiristegi qaýipsizdik máselelerin talqylady. Partııa parasport salasyndaǵy jumystyń jalǵasyp jatqanyn da habarlady. Partııanyń málimetinshe, Qazaqstannyń paratrıatlon jáne sýrdotrıatlon boıynsha ulttyq quramalaryn jasaqtaý bastaldy. Budan bólek, Almatyda «Aqylǵa qonymdy bóget» («Damba zdravogo smysla») aktsııasy ótti. Onyń aıasynda kandıdattar, volonterler men sportshylar Medeýge kóterilip, saılaýaldy baǵdarlama týraly aqparat berilgen brıfıng uıymdastyryldy.
«Aýyl» partııasy óńirlerde eńbek ujymdarymen jáne kásibı ujymdarmen birqatar kezdesý ótkizdi. Shyǵys Qazaqstan oblysynda partııa tóraǵasy Qaırat Aıtýǵanov kandıdattarmen birge «Maıly daqyldardyń tájirıbelik sharýashylyǵy» JShS ujymymen kezdesip, agrarlyq ǵylym men tuqym sharýashylyǵyn damytý máselesin talqylady. Aqmola oblysynda kandıdattar Qorǵaljyn aýylynyń aýrýhanasyndaǵy medıtsına ujymymen aýyl medıtsınasynyń sapasy týraly sóılesti. Al Aqtóbe oblysynda partııa tóraǵasynyń birinshi orynbasary Serik Egızbaev «Jansaıa» sharýa qojalyǵynyń ujymymen ósimdik sharýashylyǵy men mal sharýashylyǵy máseleleri boıynsha kezdesti.
«Aq jol» partııasy óńirlerdegi jumysyn jalǵastyryp, eńbek ujymdarymen jáne jergilikti turǵyndarmen kezdesti. «Evraz Kaspıan Stal» zaýytynda partııa ókilderi eńbek ujymymen kezdesip, saılaý júıesin damytý jónindegi usynystaryn tanystyrdy. Olardyń qatarynda saılaý ýchaskelerindegi beınebaqylaý jáne saılaýshylardy elektrondy sáıkestendirý bar.
Partııa ókilderi Respublica partııasyn da synǵa aldy. Kandıdat ıÝrıı Lı saýda jelileri úshin salyq mólsherlemesin otandyq taýarlardyń úlesine qaraı belgileý bólshek saýda kompanııalarynyń shyǵyndaryn arttyryp, baǵaǵa áser etýi múmkin ekenin aıtty. Ol Saýda jelileri odaǵynyń sórelerdegi otandyq ónimniń úlesine qatysty derekterin keltirdi. Kandıdat Asylhan Qojahmetov «Aq jol» partııasynyń Salyq kodeksine ashyq túrde qarsy shyqqanyn málimdedi.
Respublica partııasy ońtústik óńirlerdegi kezdesýler serııasyn aıaqtap, batys oblystardaǵy jumysqa kiristi. Almatyda partııa jaqtastarynyń onynshy óńirlik forýmy ótti. Naýqan bastalǵaly mundaı kezdesýler elimizdiń on óńirinde uıymdastyrylǵan. Forýmda partııa tóraǵasy Aıdarbek Hodjanazarov, teń tóraǵalar Syrymbek Taý, Dınara Shúkijanova, Qýanysh Shonbaı, Maksım Baryshev jáne Beıbit Álibekov sóz sóıledi. Olar partııanyń Májilistegi fraktsııasynyń zańnamalyq bastamalaryn eske salyp, kásipkerlikti qoldaý jónindegi baǵdarlamanyń baǵyttaryn tanystyrdy.
8-9 tamyzda partııalar saılaýaldy kún tártibiniń túrli baǵyttary boıynsha is-sharalar ótkizdi. Biri óńirlerdegi kezdesýler men kásibı ujymdarmen jumysqa basymdyq berse, endi biri jaqtastaryn iri forýmdar men taqyryptyq is-sharalarǵa jınady. Sonymen qatar naýqan birtindep mazmundy sıpat alyp keledi: partııalar óz usynystaryn tanystyryp qana qoımaı, básekelesteriniń bastamalaryna da jarııa túrde baǵa bere bastady.
Budan buryn úgit naýqany bastalǵan soń partııalardyń elektoraldy reıtıngisi ózgergenin jazǵanbyz.
