Inklıýzıvti bilim alýǵa tıis 237 myń bala bar – Prezıdent ınfraqurylymdy damytýdy tapsyrdy
ASTANA. KAZINFORM – Qazaqstanda ınklıýzıvti bilim alýǵa tıis 237 myńnan astam bala bar. Prezıdent Qasym-Jomart Toqaev Úkimet pen ákimderge erekshe bilim berý qajettiligi bar balalarǵa arnalǵan ınfraqurylymdy damytýdy tapsyrdy.
Prezıdenttiń aıtýynsha, sońǵy jyldary erekshe bilim berý qajettilikteri bar balalardyń sany artyp keledi. Sondyqtan bul máselege aıryqsha nazar aýdarý qajet.
— Úkimet ákimdermen birlesip, osy salaǵa qatysty ınfraqurylymdy damytýǵa tıis. Aýqymdy qurylysty júrgizý kezinde bul baǵyt nazardan tys qalmaýy qajet, — dedi Qasym-Jomart Toqaev Halyqqa arnalǵan Joldaýynda.
Memleket basshysy maman tapshylyǵyn azaıtý jáne balalardyń damý erekshelikterine qatysty dıagnozdardy erte jastan anyqtaý jumysyn júıeli túrde júrgizý keregin atap ótti.
Sonymen birge, Prezıdent bul baǵyttaǵy jumystarǵa «Qazaqstan halqyna» qory belsendi atsalysýy kerektigin aıtty.
Buǵan deıin Prezıdent Qazaqstannyń tranzıttik áleýetin synǵa alǵan edi.
Sondaı-aq Prezıdent orynsyz shyǵyndy boldyrmaý úshin JI paıdalanýdy usyndy.
