Ingýshetııanyń eks-prezıdenti QHA-nyń dostyq elshisi boldy
«Men túrli laýazymdardy atqardym, onyń ishinde túrli dárejelerdegi komandır qyzmetinde boldym. Keshe meni óte jaýapty qyzmetke taǵaıyndady, ıaǵnı QHA dostyq elshisi qurmetti qyzmeti berildi. Qazaqstan taıaý jáne alys shetelderdiń basshylaryna arnap únemi beıbitshilikti urandatyp keledi», - dedi ol Astanadaǵy QHA sessııasynda.
Osy oraıda, R. Aýshev osyndaı urandardy halyqtar dostyǵy men ózara syılastyq saıasatyn júrgizetin qýatty memleketter ǵana jasaı alatynyn atap ótti.
«Búginde Qazaqstan kórsetip otyrǵan jetistikterdiń barlyǵy birinshi kezekte Nursultan Ábishuly Nazarbaevtyń eńbegi. Meniń oıymsha, Qazaqstanǵa jer aýdarylǵan kóptegen ult ókilderine qazaqtardyń jasaǵan jaqsylyǵy úshin Jaratýshy ıem osy elge qoldaý jasap keledi. Olardyń alǵysymen qatar júretin duǵalary Qazaqstandaǵy tynyshtyqtyń buzylmaýyna óziniń áserin tıgizdi. Sondyqtan sizder bekitken elshi retinde bul jetistikterdi saqtaýǵa barlyq kúsh-jigerimdi salamyn. Qazaqstan beıbitshiliktiń, dostyqtyń ári tolerantylyqtyń mekeni jáne aldaǵy ýaqytta da barshasyna osylaı úlgi bola beredi», - dedi ol.
