Ingýshetııanyń burynǵy prezıdenti SQO-daǵy mektepke avtobýs syılady
PETROPAVL. QazAqparat - Aıyrtaý aýdanynda Saýmalkól aýylynyń týmasy, Ingýshetııa Respýblıkasynyń tuńǵysh prezıdenti Rýslan Aýshevpen kezdesý ótti, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Saýmalkólde Rýslan Aýshev Qarasaı men Aǵyntaı batyr memorıaldyq keshenine, Uly Otan soǵysynda qazaq tapqandardyń eskertkishine gúl shoqtaryn qoıdy. Sondaı-aq aýdandaǵy orta mektepke bas suǵyp, bilim ordasyna shaǵyn avtobýstyń kiltin tabys etti.
Aýshevtar otbasy turǵan úıge eskertkish taqtaı ornatyldy.
«Men Qazaqstanǵa kóp keldim. Biraq ókinishke oraı, týǵan jerime jolym túspegen edi. Bul eldi-mekenniń qalaı turyp jatqany maǵan óte qyzyq boldy. Maǵan ata-anam ómir súrgen jer eshteme joq jazyq dala sııaqty elesteıtin. Biraq bul jer óte ádemi - ormandar, toǵandar ósipti. Bul jerdiń tabıǵaty ǵajaıyp dep oılamappyn! Qymbatty jerlester, men óz Otanymdy eshqashan umytpaımyn!», - dedi Rýslan Aýshev.
