Ingýshetııada otandastaryn tarıhı atamekenine qaıtarýǵa arnalǵan arnaıy baǵdarlama joq - Ingýshetııa prezıdenti ıÝ.Evkýrov
ANA. Qazannyń 28-i. QazAqparat /Marlan Jıembaı/ - Ingýshetııa Respýblıkasynda otandastaryn tarıhı atamekenine qaıtarýǵa arnalǵan arnaıy baǵdarlama joq. Bul týraly búgin Ingýshetııa prezıdenti ıÝnýsbek Evkýrov elordada Qazaqstandaǵy ıngýsh dıasporasymen kezdesýi barysynda málim etti,
dep habarlaıdy QazAqparat.
Ol óz sózinde kóptegen ıngýsh azamattarynyń respýblıka basshylarynan olardy tarıhı otandaryna kóshirip alýǵa arnalǵan arnaıy baǵdarlama bar ekendigin alǵa tartyp, kómek suraıtyndyǵyn atap ótti. Osyǵan oraı Ingýshetııa basshysy óz elindegi ekonomıkalyq jaǵdaılarǵa oraı otanyna oralǵysy keletin barlyq qandastaryna jer men úı berýge múmkindikteri jetpeıtindigin jetkizdi.
«Keıbireýler aıtyp júrgen, ondaı baǵdarlama joq. Degenmen, memleket otanyna oralǵysy kelgen azamattyń úı satyp alýyna az mólsherde bolsa da qarajat beredi», dedi ıÝ.Evkýrov.
Sonymen qatar, onyń aıtýynsha, Ingýshetııanyń damý baǵdarlamasyna oraı 2016 jylǵa deıin 100-ge taqaý ártúrli maqsattaǵy nysandardy salýǵa bólingen 32 mıllıard rýbl respýblıkanyń ekonomıkalyq jaǵdaıyna oń áserin tıgizedi. Sondaı-aq el úkimeti halyqtyń turmysyn jaqsartý maqsatynda jyl saıyn salyqtan túsetin qarajattyń bir bóligin Ingýshetııanyń barlyq aýdandaryndaǵy sýmen jabdyqtaý nysandaryna jumsamaq.
