Ingýshetııada Ázerbaıjan azamattary mingen shaǵyn avtobýs aýdaryldy
ASTANA. QazAqparat - Dúısenbige qaraǵan túni Ingýshetııada shaǵyn avtobýs aýdaryldy, dep habarlaıdy TASS RF TJM Ońtústik óńirlik ortalyǵynyń baspasóz qyzmetine silteme jasap.
Avtobýsta Ázerbaıjan azamattary bolǵan.
«Kavkaz» federaldyq avtojolynyń 565-shi shaqyrymynda, Nazran qalasynyń mańynda Groznyı - Vladıkavkaz baǵytymen bara jatqan Mercedes markaly shaǵyn avtobýs aýdaryldy. Shaǵyn avtobýsta júrgizýshisimen qosqanda jeti adam bolǵan. Sonyń tórteýi aýrýhanaǵa jetkizildi, jaǵdaıy ortasha», - deıdi baspasóz qyzmetindegiler.
Jolaýshylardyń barlyǵy da shetel azamattary bolǵany jáne aýrýhanaǵa jetkizilgenderdiń arasynda sheteldikterdiń bar-joqtyǵy týraly ázirshe naqty málimet joq.
Ingýshetııa densaýlyq saqtaý mınıstri Marem Araphanova zardap shekkenderdiń ekeýi aýrýhanadan shyǵarylǵanyn aıtty. «Shyǵarylǵandarǵa ambýlatorııalyq kómek kórsetildi, qalǵan ekeýi aýrýhanada. Olardyń jaraqaty jeńil», - dedi ol.
