Ingýshetııa kolledjindegi atystan eki adam jaralandy
MÁSKEÝ. QazAqparat - Ingýshetııanyń Nazran qalasynda kolledjderdiń birinde atys bolyp, eki adam jaraqattandy, dep habarlady TASS agenttigine óńirdiń quqyqqorǵaý organdaryndaǵy derekkóz.
«Kolledjde atys boldy. Aldyn ala aqparat boıynsha, atysty uıymdastyrǵan 17 jáne 18 jastaǵy jas jigitter. Ekeýi de jaraqat alyp, aýrýhanaǵa tústi. Ómirlerine esh qaýip joq », - dedi derekkóz.
Onyń aıtýynsha, oqıǵa kelispeýshilikten bolǵan. Jigitterge qarsy oq Lada Granta jáne VAZ-2114 avtokólikteriniń terezelerinen atylǵan. Qalada «qolǵa túsirý» operatsııasy júrgizilýde.
Taǵy bir derekkózdiń málimetinshe, oqıǵa Máskeý ýaqytymen saǵat 11:00-de Ingýsh polıtehnıkalyq kolledjiniń janynda bolǵan.
Medıtsınalyq mamandar jaraqat alǵandar travmatologııa bólimine aýystyrylǵanyn aıtty. Ómirlerine qaýip joq.
