Infraqurylymdyq jobalar qandaı shartpen júzege asyrylady - mınıstr túsiniktemesi

NUR-SULTAN. QazAqparat - Jumyspen qamtýdyń jańa jol kartasy aıasyndaǵy jobalarǵa jumysshylardyń keminde 50 paıyzy halyqty jumyspen qamtý ortalyqtarynyń joldasasy arqyly tartylady. Bul týraly Úkimet otyrysynda QR Aýyl Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Infraqurylymdyq jobalar kelesi shartpen júzege asyrylady. Atalǵan jobalarǵa jumysshylardyń keminde 50 paıyzy halyqty jumyspen qamtý ortalyqtarynyń joldamasy arqyly tartylady. Otandyq taýar óndirýshilerdi qoldaý maqsatynda jobalardy iske asyrý kezinde taýar men kórsetiletin qyzmettiń úlesi keminde 90 paıyzdan bolýy tıis», - dedi Birjan Nurymbetov.

Onyń atap ótýinshe, irikteý kezinde kóp jumys kúshin talap etetin, jumyspen qamtylýynyń uzaqtyǵyn qamtıtyn jobalarǵa basymdyq beriledi. Bul rette jumysshylardyń jalaqysy 85 myń teńgeden tómen emes mólsherde belgileý sharty qoıylady.

«Jol kartasyna bólinetin qarajattyń jalpy lımıtin óńirler arasynda ekonomıkalyq belsendi halyq sanyna qaraı bólý usynylady. Jergilikti ákimdikter ınfraqurylymdyq jobalardy tıisti salalyq ortalyq memlekettik organdarmen kelise irikteıdi jáne Úkimet deńgeıinde bekitiletin bolady. Eńbek mınıstrligi tarapynan «Jumys oryndaryn qurý kartasy» aqparattyq júıesi arqyly jobalarda qurylǵan jumys oryndarynyń, onda qabyldanǵan jumyssyzdardyń sany boıynsha monıtorıng júrgiziledi«, - dedi mınıstr.