Infraqurylymdyq nysandardyń qurylysyna qatysýǵa nıetti jastardan 3,6 myń ótinish kelip tústi
Bul týraly búgin Ortalyq kommýnıkatsııalar qyzmetindegi baspasóz máslıhatynda «Qazaqstan-2050» jalpyulttyq qozǵalysy keńesiniń tóraǵasy Danat Jumın málim etti.
«Aǵymdaǵy jyly «Nurly jol» baǵdarlamasyn belsendi júzege asyrý bastalǵanyn bilesizder. Onyń aıasynda kóptegen nysandardyń qurylysy júrgiziledi. Osy oraıda bıyldyń basynda «Qazposhtamen» berlese baǵdarlama aıasynda turǵyzylatyn nysandarǵa aýyldyq jastardy jumysqa ornalastyrýǵa kómektesetin jalpyrespýblıkalyq jobany qolǵa aldyq. «Qazposhtanyń» aýyldyq bólimshelerinde osy baǵdarlama boıynsha jumysqa turǵysy keletin jastardan ótinishter qabyldaý uıymdastyryldy»,-dedi Jumın.
Onyń sózine qaraǵanda, jobany iske asyrý kezeńinde 3,6 myń ótinish kelip túsken. Qazirgi kezde bul jastarmen telefon arqyly baılanys ornatylyp, QR Bilim jáne ǵylym mınıstrligimen birlese olardy jumyspen qamtýdyń naqty sharalary qarastyrylýda. Naqty nysandar aıqyndalǵannan keıin, jastardy jumysqa ornalastyrý sharasy bastalady.
«Ótinimderdiń basym bóligi Batys Qazaqstan jáne Ońtústik Qazaqstan oblystarynan kelip tústi. Joba aıasynda eń az ótinim Qyzylorda, Qostanaı, Aqmola oblystarynan boldy»,-D. Jumın.
