Informatıka pánin 1-synyptan oqytý qoǵam talqysyna shyǵarylmaq
«Mınıstrlik bilim men ǵylymdy sıfrlandyrý boıynsha úsh baǵytta jumys jasap jatyr. Birinshisi - ol orta bilim júıesinde aqparattandyrýdy damytýǵa negizdelgen. Ekinshisi - bilim berý men ǵylymdy basqarý prosesterin avtomattandyrý, al úshinshisi - ІT mamandardy daıarlaý. Birinshi baǵyt boıynsha EYDU elderinde kóbinese baǵdarlamalar 1-synyptan bastalady. Bizde ınformatıka páni mektepte 5-synyptan bastalyp oqytylǵan, endi bıyl 3-synyptan bastalady. Sonymen qatar, ınformatıkany oqytýda 1-synyptan bastap engizý múmkindigi boıynsha sarapshylarmen jumys júrgizip jatyrmyz. Qazir joba jasalyp, qoǵamda talqylanatyn bolady», - dedi mınıstr.
Onyń sózine qaraǵanda, 3 myńnan astam mektep pen oqýshylar saraıynda robot tehnıkasy boıynsha elektıvtik kýrs engizildi.
«Biraq bizge robot tehnıkasyn barlyq mektepterge deıin jetkizý kerek. Búgingi mindet - ol atalǵan robot tehnıkasy kabınetterin quraldarmen jabdyqtaý. Ótken jyldar ishinde 5 400 pedagog, onyń ishinde 730-y robot tehnıkasy boıynsha biliktilik kýrstarynan ótti. 2018 jyly taǵy 2 500 muǵalim oqytamyz, sonyń ishinde atalǵan baǵyt ta qamtylady», - dedi E. Saǵadıev.
