infokazakhstan.kz iske qosylǵanyna – 20 kún: 282 myń kásipker qyzmetin qaıta bastady
«Tez ári ońaı», – otandyq kásipkerler infokazakhstan.kz portaly jumysyna qatysty osyndaı pikir aıtýda. Eske salsaq, portal lokdaýnnan keıin bıznesti qaıta bastaýǵa ruqsat alý úshin quryldy.
1-sebep. Yńǵaıly
Kásipkerlerdiń aıtýynsha, portal birinshi kezekte veb-resýrs bolǵanymen – yńǵaıly. Demek, tirkeýden ótý úshin kompıýter nemese noýtbýktyń bolǵany jetkilikti. Kezekke turýdyń, qolmen ótinim toltyrýdyń qajeti joq. Internettiń izdeý jolaǵyna infokazakhstan.kz dep terý qajet.
2-sebep. Ońaı
Ekinshiden, portalda tirkelý úshin qaǵaz nemese elektrondy túrdegi býma qujattar emes, elektrondyq-tsıfrlyq qoltańba (ETsQ) ǵana kerek.
«Jeke kásipkerligim erteńnen bastap jumys isteı alady. Tirkeýden ótý úshin maǵan ETsQ ǵana qajet boldy. Bul kilt barlyq kásipkerde bar. Saıt jumysynyń ózi yńǵaıly ári qarapaıym. Men nebári 5 mınýt ishinde qyzmet túrime baılanysty sanıtarlyq normalarmen tanysyp, ótinim jiberdim. Sodan keıin birden elektrondyq poshtama qyzmet bastaýǵa ruqsat kelip tústi», – deıdi Shyǵys Qazaqstan oblysynyń turǵyny, «Kenjehan» JK basshysy Gúlnur.
3-sebep. Ýaqyt pen qarajat únemdeý
Portaldyń kelesi tıimdiligi retinde onyń jyldamdylyǵy ataldy. «KOSTANAY PLAZA» saýda, oıyn-saýyq ortalyǵynyń marketology Dastan Qýantaevtyń sózinshe, SOSO ruqsat alǵan soń bir saǵat ishinde kelýshilerge esigin aıqara ashty.
«16 tamyzda infokazakhstan.kz saıtynda ótinim qaldyrdyq. 17 tamyz kúni tańerteń arnaıy komıssııa tekserýmen keldi. Tekserýden keıin sanıtarlyq talaptarǵa sáıkestik aktisin alyp, saǵat 10-da ashyldyq», – dedi Dastan Qýantaev.
Kásipkerlerdiń ózi portal jumysynda áleýetti baıqap otyr. Ruqsat berýden bólek, kásipkerler qyzmetter tizbegin keńeıtýdi usyndy.
«Atameken» Ulttyq kásipkerler palatasy mamandarynyń kómegimen ári ETsQ arqyly keńesshiler 5-10 mınýtta jumysty bastaýǵa barlyq aktilerdi alýǵa kómektesti. Bul platforma ary qaraı da kásipkerler ıgiligine jumys isteıdi degen oıdamyn. Biz memlekettik organdarmen ózara árekettesip, kóbirek qyzmet túrlerin alyp, sonymen qatar ýaqytynda oryndaýǵa qajetti jaǵdaıǵa qaraı barlyq tıisti qujattardy alar edik», - deıdi Aqtóbe qalasyndaǵy «Orynbasar» JK basshysy Abzal Amanshıev.
Qazirgi tańda portal qyzmetin 345 myń kásipker paıdalandy, daıyndyq aktisin 282 myń bıznes ókili aldy.
Qyzmetin qaıta bastaýǵa ruqsat alyp úlgermegen kásipkerler úsh qarapaıym qadam arqyly habarlama tártibinde jumys isteýge ruqsat ala alady:
1-qadam. InfoKazakhstan portalyna kirip, ETsQ arqyly uıymdy tirkeý.
2-qadam. Bas sanıtarlyq dárigerdiń qaýlysyn júktep, qyzmet túrine qoıylatyn sanıtarlyq talaptarmen tanysý, tanysýdy elektrondyq-tsıfrlyq qoltańba arqyly rastaý.
3-qadam. Jeke kabınetke jáne elektrondyq poshta arqyly daıyndyq týraly aktini alyp, jumysty bastaý.