Infodemııa pandemııadan da qaýipti - Süddeutsche Zeitung
NUR-SULTAN. QazAqparat - «Daǵdarys kezinde ósek pen jalǵan aqparat erekshe jyldam taraıdy» dep jazady Süddeutsche Zeitung nemis basylymy.
Maqalada avtor koronavırýsqa baılanysty jalǵan aqparattardyń kóp tarap jatqanyn aıtady.
«Germanııada bir áıel ınprofen Covid-19 qaýpin arttyratynyn aıtyp, habarlama taratyp jiberdi. Bul bir ǵana mysal. Tipti, Donald Tramptyń ózi birneshe apta koronavırýs týraly sóılep, halyqty jańylystyrdy. Ol birneshe apta boıy jaǵdaı baqylaýda ekenin aıtyp, koronavırýs AQSh-qa barmaıtynyn, vaktsına daıyn ekenin aıtqan edi. Al bunyń barlyǵy shyndyqqa janaspaıdy», - dep jazady avtor.
Onyń aıtýynsha, vırýsty pandemııa kezinde vırýsty ınfodemııa da tez taraıdy.
«Ósek, jartylaı shyndyq, feık habarlamalar óte jyldam taraıdy. Árıne, tsıfrlyq dezınformatsııa eshkimge juqpaıdy. Degenmen, halyqtyń senimsizdigin arttyryp, adamdardyń jaıbaraqat qaraýyna, jaǵdaıdy jeńil qabyldaýyna alyp keledi. Al pandemııa jaǵdaıynda bul áreketter ómir men ólim máselesine aınalady», - deıdi avtor.
Dúnıejúzilik densaýlyq saqtaý uıymynyń basshysy ótken aptada «Biz pandemııamen ǵana emes, ınfodemııamen de kúresip jatymyz. Jalǵan habarlamalar vırýstan da jyldam tarap jatyr. Bul odan da qaýipti», - degen edi.
Newsguard faktilerdi tekserý qyzmetiniń málimetinshe, naýryz aıynyń basynan bastap adamdar jalǵan 50 mlnnan astam ret aqparat nemese jańylystyratyn aqparatty bólisken nemese kommentarıı jazǵan. Bul resmı derekkózderdegi aqparattar kórsetkishinen 142 ese kóp.
