Inflıatsııanyń baıaýlaýyna azyq-túlik taýarlarynyń dezınflıatsııasy yqpal etip jatyr

ASTANA. KAZINFORM – Bul týraly búgin Úkimet otyrysynda Ulttyq bank tóraǵasy Tımýr Súleımenov aıtty.

- Qarasha aıynyń qorytyndysy boıynsha Ulttyq banktiń iskerlik belsendilik ındeksi ulǵaıyp, 51,6 tarmaqty qurady. Kórsetkish 10 aı qatarynan oń aımaqta qalyp otyr. Qyzmetter boıynsha ındeks - 51,5, óndiris boıynsha 53,1 tarmaqty qurady. Qarashada bıznes klımat ındeksi ulǵaıyp, oń kórsetkishte qalyptasty. Qazirgi jáne bolashaq bıznes sharttary oń baǵalanyp otyr, - dedi UB tóraǵasy.

Onyń atap ótýinshe, qarashanyń qorytyndysy boıynsha jyldyq ınflıatsııa 8,4 paıyz deńgeıinde qalyptasty.

- Inflıatsııanyń baıaýlaýyna azyq-túlik taýarlarynyń dezınflıatsııasy yqpal etip jatyr. Alaıda sońǵy aıda onyń 5,4 paıyzǵa deıin jedeldeýi tirkeldi. Azyq-túlikke jatpaıtyn taýarlar baǵasynyń ósýi az ǵana baıaýlap, 8 paıyzdy qurady. Aqyly qyzmetter ınflıatsııasy «Tarıfti ınvestıtsııaǵa aıyrbastaý» baǵdarlamasynyń júrgizilýine jáne birqatar naryqtyq qyzmetterdiń qymbattaýyna baılanysty eń úlken ósý kórsetýde – 13,3 paıyz. Qarashada aılyq ınflıatsııa ótken aıdaǵy deńgeıde saqtaldy. Ol 0,9 paıyzdy qurap, ortasha tarıhı mánnen joǵary qalyptasty, - dedi Tımýr Súleımenov.