Inflıatsııamen júıeli túrde kúresý qajet — Prezıdent
ASTANA. KAZINFORM — Qazaqstan halqyna Joldaýyn jarııalaý kezinde Prezıdent Qasym-Jomart Toqaev Úkimet pen Ulttyq bankke ınflıatsııany tejep, tómendetýdi tapsyrdy.
Onyń sózinshe, makroekonomıkalyq saıasatty muqııat oılastyryp júrgizgen jón.
— Sońǵy jyldary Úkimet bıýdjet pen salyq júıesin tolyǵymen qaıta qarady. Biraq memlekettik saıasattyń tıimdiligi, eń aldymen, azamattardyń ál-aýqatyna, ekonomıkalyq belsendiligine qarap baǵalanady. Sondyqtan biz úshin eń mańyzdy maqsat — halyqtyń tabysyn ulǵaıtý. Ol úshin birinshi kezekte ınflıatsııamen júıeli túrde kúresý qajet. Inflıatsııany, beınelep aıtqanda, azamattarymyzdyń ál-aýqatyna kún saıyn nuqsan keltirip otyrǵan únsiz jaý deýge bolady, — dedi Memleket basshysy.
Sonymen qatar, ol baǵanyń ósý qarqyny birshama báseńdegenin atap ótti. Degenmen, ınflıatsııa deńgeıi áli de joǵary.
— Sondyqtan, eń aldymen, Úkimet pen Ulttyq bank birlesip, úılesimdi jumys isteýi kerek. Inflıatsııany tejep, tómendetý qajet. Bul — asa mańyzdy mindet. Úkimet bıýdjet jáne salyq saıasatyn barynsha baıypty júrgizýi kerek. Sondaı-aq ekonomıkanyń óndiristik áleýetin kúsheıtip, bıznestiń ónimdiligin arttyrý úshin qolaıly jaǵdaı jasaý qajet, — dedi Prezıdent.
Aıta keteıik, buǵan deıin Prezıdent tsıfrlyq ekonomıkany qalyptastyrý sharalary jóninde málimdegen edi.
