Inflıatsııa 2024 jyly 8% tómendeıdi – Ulttyq bank boljamy

Ulttyq bank tóraǵasy Tımýr Súleımenov ınflıatsııa boıynsha keler jylǵa boljam jasady, dep habarlaıdy Kazinform. 

«Jyldyq ınflıatsııa sońǵy segiz aı boıy tómendep keledi. Onyń qazirgi deńgeıi aqpan aıyndaǵy (21,3%) kórsetkishten 10,8% ıaǵnı 2 ese tómendedi. Inflıatsııanyń tómendeýine syrtqy ınflıatsııalyq qysymnyń álsireýi sebep. Sondaı-aq Úkimettiń naqty sharalary men Ulttyq bank júrgizip otyrǵan aqsha-kredıt saıasaty yqpal etti. Azyq-túlik ınflıatsııasy 10,4% baıaýlady. Azyq-túlikke jatpaıtyn taýarlar ınflıatsııasy 11,1% tómendedi. Qazan aıynda qyzmetter baǵasynyń ósimi 11,0% boldy», - dedi Tımýr Súleımenov Májilistiń jalpy otyrysynda.

Bank basshysynyń aıtýynsha, Qazaqstanda qazirgi ekonomıkalyq jaǵdaı turaqty jáne oń dınamıkany kórsetip otyr. Onyń ishinde jalpy ishki ónim qańtar-qyrkúıek aılary aralyǵynda 4,7% artty. Bıyl negizgi kapıtalǵa salynǵan ınvestıtsııa 9 aıda 12,1% ósken.

«Bizdiń boljam boıynsha, ınflıatsııa 2024 jyldyń sońynda 8%, 2025 jyly orta eseppen 6% tómendeıdi. Keıin 5% deńgeıinde saqtalady. Ulttyq bank ınflıatsııanyń birtindep turaqtanyp kele jatqanyn eskere otyryp, tamyz ben qazan aıy aralyǵynda bazalyq mólsherlemeni, 2 ret 16,75%-ten 16%-ke deıin tómendetti», - dedi ol.