Inflıatsııa 2% tómendese, bazalyq stavkany sol mólsherde tómendetýge daıynbyz — Súleımenov

ASTANA. KAZINFORM — Ulttyq bank bazalyq mólsherlemeni ınflıatsııanyń tómendeýine para-para tómendetýge daıyn. Bul týraly Ulttyq bank tóraǵasy Tımýr Súleımenov aıtty.

— Inflıatsııa tómendegen saıyn bazalyq mólsherlemeni tómendetemiz. Osy eki kórsetkish bir-birimen tyǵyz baılanysty. Naqty formýla joq. Máselen, ınflıatsııa 2 paıyzǵa tómendese, basqa faktorlarǵa qaramastan bazalyq mólsherlemeni 2 paıyzǵa tómendetýge daıynbyz, — dedi Tımýr Súleımenov Ulttyq bankte ótken brıfıngte BAQ ókilderiniń saýalyna oraı.

Buǵan deıin Ulttyq bank bazalyq mólsherleme maksımaldy túrde qansha bolýy múmkin ekenin aıtqan bolatyn. 

Aıta keteıik, búgin Ulttyq bankiniń Aqsha-kredıt saıasaty komıteti bazalyq mólsherlemeni +/- 1 p. t. dálizimen jyldyq 18% deńgeıinde belgileý týraly sheshim qabyldady.