Inflıatsııanyń janar-jaǵarmaı baǵasyna áseri qandaı boldy
NUR-SULTAN. QazAqparat – 2020 jylǵy qańtar-shilde aralyǵynda elimizde munaı óńdeý ónimderi óndirisiniń jalpy kólemi 10,2 mln tonnany quraǵan – bul ótken jylmen salystyrǵanda 9 paıyzǵa az. Bul týraly QazAqparat energyprom.kz saıtyna silteme jasap habarlaıdy.
Aımaqtar arasynda óndiristiń 86,1 paıyzy qazaqstandyq MÓZ jumys isteıtin aımaqtarynda, tizimde osy aımaqtar kósh bastap tur: bul Atyraý oblysy (Atyraý munaı óńdeý zaýyty): 3,6 mln. tonna – byltyrǵy jylmen salystyrǵanda, 2 paıyzǵa az, Pavlodar oblysy (Pavlodar munaı jáne hımııa zaýyty): 2,7 mln. tonna – ótken jylmen salystyrǵanda, 13,8 paıyz az, Shymkent («PetroQazaqstan Oıl Prodakt» JShS zaýyty): 2,5 mln. tonna – mınýs 15,4 paıyz.
Munaı otyny, dıstıllıattar men gazoıl óndirisi qańtar-tamyz aralyǵynda 8,1 mln tonnany quraǵan, óndiris ótken jylmen salystyrǵanda 12,8 paıyzǵa qysqardy. Sonyń ishinde kerosın shyǵarý (34,1 paıyzǵa, 278,5 tonnaǵa deıin) jáne mazýt óndirisi (29,2 paıyzǵa, 1,4 mln. tonnaǵa deıin) aıtarlyqtaı tómendegen. Sondaı-aq dızeldik otyn óndirisi de mınýsqa ushyrady (jylyna 6,7 paıyzǵa, 3,1 mln. tonnaǵa deıin). Bul rette benzın óndirisi jylyna 3,3 paıyzǵa kóbeıip, 2,9 mln. tonnany quraǵan.
Energetıka mınıstri Nurlan Noǵaev úkimet otyrysynda búginde eldiń ishki naryǵy jeke óndiristiń munaı ónimderimen tolyq qamtamasyz etilgenin atap ótti.
2020 jyldyń tamyzynda benzın ótken jyldyń osyndaı kezeńimen salystyrǵanda 2,4 paıyzǵa qymbattady. Baǵalar ósimi Jambyl oblysynda (5,7 paıyz) jáne Almaty oblysynda (4,3 paıyz), sondaı-aq Almatyda (4,2 paıyz) tirkelgen.
AI-98 markaly benzın jylyna 2,6 paıyz qymbattady, AI-92 baǵasy – 2,5 paıyzǵa, AI-95/96 – 1,2 paıyzǵa ósken. Dızeldik otyn bolsa, kerisinshe, 1,2 paıyzǵa arzandaı tústi.
