Inflıatsııanyń shyrqaý shegin aqpanda kútemiz – Ulttyq bank
«Ulttyq bank táýelsiz aqsha-kredıt saıasatyn júrgizedi. Bazalyq mólsherlemeni tómendetýdi bastaý úshin ınflıatsııa men ınflıatsııalyq kútýler tómendeýiniń turaqty tendentsııasyna qol jetkizýimiz qajet. Jańa shoktar bolmaǵan jaǵdaıda, jetistikterge jetkende bazalyq mólsherlemeni tómendetýge kirese alamyz», - dedi ol elordada ótken brıfıng barysynda BAQ ókilderiniń saýalyna oraı.
Onyń naqtylaı túsýinshe, Ulttyq bank bazalyq mólsherlemeni kóterý tsıklin aıaqtaýǵa jaqyn. Sonymen qatar ol ınflıatsııanyń qashan shyrqaý shegine jetip, odan keıin tómendeıtindigine qatysty saýalǵa da jaýap berdi.
«Jańa shoktar bolmaǵan jaǵdaıda ınflıatsııanyń shyrqaý shegin birinshi toqsanda, naqtyraq aıtqanda aqpanda bolady dep kútemiz. Bizdiń oıymyzsha, jyldyq eń joǵary ınflıatsııa tirkeletin bolady. Naýryzdan bastap jyldyq ınflıatsııanyń tómendeýin kútemiz. Qazirgi jaǵdaı bazalyq mólsherlemeni barynsha uzaq ýaqyt boıy ustap turýǵa májbúrlep otyr», - dedi Ǵalymjan Pirmatov.
