Inflıatsııanyń deńgeıi tómendedi
ALMATY. Mamyrdyń 5-i. QazAqparat /Erlik Erjanuly/ - Inflıatsııanyń jyldyq deńgeıi sáýir aıynda 7,1 paıyzdy qurady.
Ulttyq bank tóraǵasy búgin Almatyda ótkizgen baspasóz máslıhatynda osylaı aıtty, dep habarlaıdy QazAqparat.
"Statıstıka agenttiginiń resmı derekteri boıynsha ınflıatsııa sáýir aıynda 0,7 paıyz boldy. 2009 jyldyń sáıkes merziminde bul 0,8 paıyzdy quraǵan bolatyn. Aıtarlyqtaı úlken ózgeris joq. Iıflıatsııa jyldyq kórsetýde aldyńǵy aımen salystyrǵanda 0,1 paıyzǵa tómendep, 7,1 paıyz boldy", deıdi QR Ulttyq bankiniń tóraǵasy Grıgorıı Marchenko. Sáýirde azyq-túlik taýarlary - 1 paıyz, azyq-túlikke jatpaıtyn taýarlar jáne aqyly qyzmet kórsetý 0,4 paıyz ósti. Baǵa eń kóp dárejede azyq-túlik taýarlary naryǵynda jemis-kókenis ónimderinde - 3,5 paıyz, jumyrtqada - 2,7 paıyz shaıda - 2,2 paıyz, kondıtor buıymdarynda 1,6 paıyzǵa qymbattady. Azyq-túlikke jatpaıtyn taýarlar tobynda: tsement - 1,7 paıyz, temeki buıymdary 1,2 paıyzǵa ósti. Al turǵyn úı-kommýnaldyq qyzmet kórsetý salasynda qoqysty jınaǵany, turǵyn úıdi ustaý úshin aqy tóleý - 1,3 paıyz, elektr energııasy men ystyq sý 0,2 paıyzǵa kóterildi.
