Inflıatsııanyń baıaýlaýy jalǵasýda - G.Marchenko
ALMATY. Qarashanyń 11-i. QazAqparat /Erlik Erjanuly/ - Inflıatsııa deńgeıiniń baıaýlaýy Qazaqstanda ǵana emes, búkil álemde jalǵasýda. Ony QR Ulttyq bankiniń tóraǵasy Grıgorıı Marchenko búgin Almatyda ótkizgen baspasóz máslıhatynda málimdedi,
dep habarlaıdy QazAqparat.
QR Statıstıka agenttiginiń resmı derekteri boıynsha qazan aıynda ınflıatsııanyń deńgeıi 1,4 paıyz boldy. Ótken jyldyń sáıkes kezeńinde ol 0,6 paıyzdy quraǵan bolatyn. Tórtinshi toqsannyń alǵashqy aıynda azyq-túlik taýarlarynyń baǵasy ózgergen joq. Al azyq-túlikke jatpaıtyn taýarlar 0,4 paıyz, aqyly qyzmet 0,9 paıyzǵa ósti. Grıgorıı Aleksandrovıchtiń aıtýynsha, qyrkúıektiń qorytyndylary boıynsha ınflıatsııanyń jyldyq kórsetkishi elde 5,8 paıyz boldy. Bul 2003 jylǵy qyrkúıekten keıingi eń tómengi deńgeı bolyp tabylady. Ortalyq bankterdiń boljamy boıynsha TMD elderinde qyrkúıekte ótken jyldyń dál osy merzimmen salystryǵanda ınflıatsııa kórsetkishi Qazaqstanda - 6, Ázirbaıjanda -1,3; Armenııada -3,7; Belarýste - 11,7; Grýzııada - 0,4; Qyrǵyzstanda - 2,1: Reseıde - 10,7; Tájikstanda - 5; Ýkraınada - 15 paıyz boldy.
