Inflıatsııany josparlanǵan 6-8 paıyz deńgeıinde ustaý kózdelip otyr

ASTANA. QazAqparat - Inflıatsııany josparlanǵan 6-8 paıyz dálizinde ustaý kózdelip otyr. Bul týraly búgin Ortalyq kommýnıkatsııalar qyzmetinde Úkimet otyrysynyń qorytyndysyna arnalǵan brıfıngte QR Ekonomıka jáne bıýdjettik josparlaý mınıstri Erbolat Dosaev málim etti.

"Monetarlyq jáne monetarlyq emes quraldar arqyly ınflıatsııany josparlanǵan 6-8 paıyz dálizinde qamtamasyz etý kózdelip otyr. Bul rette ınflıatsııalyq úderisterdi monetarlyq quraldar arqyly tómendetý ekonomıkanyń ótimdiligin jetkilikti qamtamasyz etilýin eskere otyryp júrgizilýi tıis", - deıdi ol.

Onyń aıtýynsha, jyl basynan ınflıatsııa 4,5 paıyzdy qurady, bul 2013 jyldyń tıisti kezeńine qaraǵanda 2,1 paıyzdyq tarmaqqa joǵary.

"Áleýmettik mańyzy bar taýarlar baǵasynyń turaqtylyǵyn qamtamasyz etý maqsatynda negizgi azyq-túlik taýarlary tapshylyǵyn boldyrmaý úshin turaqtandyrý qorlaryn tıimdi paıdalanýdy qamtamasyz etý qajet.

Osy sharalarmen qatar bazarlarda baǵalyq kelisimniń jolyn kesý, janar-jaǵar maı materıaldary tapshylyǵyna jol bermeý, saýda ınfraqurylymyn damytý, aýyl sharýashylyǵy ónimderin óndirýdi ulǵaıtý úshin qolaıly jaǵdaılar jasaý boıynsha jumys jalǵasatyn bolady", - dep atap ótti mınıstr.

Budan basqa, E. Dosaevtyń aıtýynsha, júıeli negizde ekonomıkadaǵy monopolızmmen kúres júrgizý jáne naryqtyq ınstıtýttardy damytý qajet.