Inflıatsııany tómendetý jospary qandaı - mınıstr túsindirmesi
«2022 jylǵy 11 qańtarda Májilis otyrysynda sóılegen sózinde Memleket basshysy Úkimetke Ulttyq bankpen birlesip, ınflıatsııany baqylaý boıynsha is-sharalar keshenin ázirleýdi tapsyrdy. Memleket basshysynyń tapsyrmalaryn oryndaý aıasynda Úkimet kelesi is-sharalardy qabyldady: kommýnaldyq qyzmetter tarıfteriniń artýy toqtatyldy; Qazaqstan aýmaǵynan keıbir taýarlardy áketýge tyıym salyndy; janar-jaǵarmaı materıaldaryna shekti baǵalar belgilendi jáne benzındi, dızel otynyn jáne munaı ónimderiniń jekelegen túrlerin 6 aı merzimge áketýge tyıym salyndy»,- dedi mınıstr.
Onyń atap ótýinshe, Memleket basshysynyń tapsyrmalaryn ári qaraı oryndaý aıasynda taýarlardyń fızıkalyq qoljetimdiligin jaqsartý, baǵalyq retteý, memlekettik baqylaý engizý boıynsha birqatar sharany, sondaı-aq de ınflıatsııany tómendetý boıynsha júıeli is-sharalardy júzege asyrý usynylady.
«Birinshi baǵyt aıasyndaǵy is-sharalar kóktemgi egis jumystaryn qarjylandyrýdy ulǵaıtýdy, agroónerkásip keshenin sýbsıdııalaý tetigin jetildirýdi, birqatar salalarda ımport almastyratyn jobalardy iske asyrýdy jáne basqa da is-sharalardy qamtıdy. Ekinshi baǵyt aıasyndaǵy is-sharalar energetıkalyq jáne kommýnaldyq-turmystyq kómirge baǵalyq retteýdi engizýdi, kommýnaldyq qyzmetterge baǵalardy arttyrýǵa moratorıı engizýdi, shekti baǵalardyń boljamdy dálizin aıqyndaýdy kózdeıdi», - dedi ol.
Mınıstr úshinshi baǵyt aıasyndaǵy is-sharalar belgili bir naryqtardaǵy baǵalar monıtorınginiń nátıjeleri boıynsha monopolııaǵa qarsy den qoıý sharalaryn qabyldaýdy, munaı jáne munaı ónimderi naryǵyndaǵy deldaldyq býyndy qysqartýdy jáne bırjalyq saýdany damytýdy qamtıtynyn aıtty.
«Júıeli is-sharalar aıasynda tutyný qorjynyna kiretin aýyl sharýashylyǵy ónimderiniń negizgi túrlerin jáne basqa da azyq-túlik taýarlaryn tutynýdyń/óndirýdiń boljamdy teńgerimin qurý, monıtorıng nátıjeleri boıynsha jedel den qoıý is-sharalaryn qabyldaý josparlanýda. Qabyldanǵan is-sharalardy júzege asyrý nátıjesinde taýarlar defıtsıtin boldyrmaı otyryp, ınflıatsııany jáne onyń komponentterin maqsatty dárejede ustap qalý kútilýde. Memlekettik qoldaý is-sharalaryna qol jetkizýdiń tıimdiligi men ashyqtyǵyn arttyrý maqsatynda olardy alýshylardyń qarsy mindettemelerin belgileı otyryp, agroónerkásiptik keshendi sýbsıdııalaý júıesi qaıta qaralady. Qabyldanyp jatqan is-sharalar baǵany birtindep turaqtandyrýǵa jáne bıznes ahýaldy, onyń ishinde ınvestıtsııalyq ahýaldy jaqsartýǵa yqpal etetin bolady», - dedi Álibek Qýantyrov.
