Inflıatsııany belgilengen mejede ustap turý úshin ınflıatsııalyq úderisterdi retteýge arnalǵan sharalardy josparlaý tájirıbesin qaıta bastaý qajet - J.Aıtjanova
áýirdiń 20-y. QazAqparat /Aıdar Ospanalıev/ - Inflıatsııa deńgeıin bıylǵy jylǵa josparlanǵan 6 men 8 paıyz aralyǵynda ustap turý úshin úkimet tarapynan ınflıatsııalyq úderisterdi retteýge arnalǵan sharalardy josparlaý tájirıbesin qaıta bastaý qajet.
Bul - bıylǵy jyldyń 2-shi toqsanyndaǵy eldegi turaqty ekonomıkalyq damýdy qamtamasyz etetin sharalardyń mańyzdy bóligi. Búgin bıylǵy jyldyń birinshi toqsanyndaǵy elimizdiń áleýmettik-ekonomıkalyq damý qorytyndylaryna arnalǵan úkimet otyrysynda Ekonomıkalyq damý jáne saýda mınıstri Janar Aıtjanova osylaı aıtty, dep habarlaıdy QazAqparat.
Onyń málimetterine qaraǵanda, aǵymdaǵy jyldyń 1-shi toqsanynda ınflıatsııa deńgeıi ótken jyldyń jeltoqsan aıymen salystyrǵanda 2,9 paıyzdy quraǵan. «Bul kórsetkish tabıǵı monopolııa sýbektileri qyzmetterine degen tarıfterdiń ósýi esebinen, maýsymdyq faktorlar men syrtqy konıýnktýranyń yqpaly esebinen oryn aldy. Osyǵan oraı qazir Aýyl sharýashylyǵy mınıstrligi men jergilikti atqarýshy organdar azyq-túlik ónimderine degen baǵanyń ósip otyrǵandyǵyn eskere otyryp, jaǵdaıdy qatań baqylaǵandary durys», dedi mınıstr.
