Inflıatsııalyq targetteý Qazaqstanda ınvestıtsııalaý úshin qosymsha serpin beredi - A. Aıdarov
ASTANA. QazAqparat - Inflıatsııalyq targetteý Qazaqstanda ınvestıtsııalaý úshin qosymsha serpin beredi. Bul týraly búgin Ortalyq kommýnıkatsııalar qyzmetindegi baspasóz máslıhatynda «KAZNEX INVEST» AQ Basqarma Tóraǵasynyń orynbasary Almas Aıdarov málim etti.
«Qazaqstanda ǵana emes, sonymen qatar barsha álemde ınvestıtsııalar tartýdyń belsendiligi tómendeýde, kapıtal naryǵy qysqarýda. Bizdiń elimiz de bundaı qysqarýlar baıqalýda. Degenmen devalvatsııalyq táýekelder byltyrǵy jyly ótip ketti dep úmittenemiz. Atap aıtqanda, bıyl jaǵdaı aıtarlyqtaı boljaýǵa keledi degen pikir bar»,-dedi A. Aıdarov.
Osy oraıda ol bul jaǵdaıdaǵy ońtaıly nátıjelerge toqtaldy.
«Arnaıy ekonomıkalyq aımaqtar boıynsha jobalardyń bir bóligi qymbattaýy múmkin jáne buny ınvestorlar túsinip otyr. Alaıda, osy jaǵdaıdyń ońtaıly tustary da bar. Endi ózderiniń jobalaryn shetel valıýtasynda eseptep, qarjylyq modelderin qurǵan ınvestorlar úshin Qazaqstandaǵy jobalardyń ózindik quny kerisinshe tómendeıdi. Bul óz kezeginde Qazaqstanda ınvestıtsııalaýǵa qosymsha serpin beredi»,-dedi A. Aıdarov.
