Inflıatsııalyq targetteý Qazaqstan eksportyna tóte jol ashyp otyr - depýtat A. Bekenov
«Ótken aptada Qazaqstan teńgeniń erkin baǵamyna kóshti. Bul turǵyda alysty barlaıtyn bolsaq, bul shara elimizdiń saýdasyn nyǵaıtýǵa septigin tıgizedi. Osy oraıda otandyq jáne shet elderdiń sarapshylary ınflıatsııalyq targetteýdiń oń yqpaly tıetindigin alǵa tartýda. Sonymen qatar teńgeniń erkin baǵamyna kóshýdi qazirgi ýaqytta kásipkerler de qoldap otyr, ásirese shet memleketterge taýarlaryn eksporttaıtyn úlken kásiporyndar ónimderin tıisti baǵamen shyǵarýǵa múmkindik aldy», - dedi depýtat.
Bul turǵyda A. Bekenov otandyq kásipkerler ónim sapasyna nazar aýdaryp, básekege qabilettilikti arttyrýǵa tyrysatyndyǵyn atap ótti.
«Inflıatsııalyq targetteý Qazaqstan eksportyna tóte jol ashyp otyr. Sebebi, qazirgi ýaqytta teńgeniń erkin baǵamyna kóshý naryqtaǵy jaǵdaıǵa baılanysty ekeni málim. Taýar óndirýshiler men eksportshylarǵa múmkindik berildi, endi básekelestikte taýardyń sapasymen ónimdilik arta túsetini anyq», - dedi depýtat.
Budan bólek ol «100 naqty qadam» Ult josparyn júzege asyrý baǵytynda Úkimet tarapy Parlament depýtattarynyń qaraýyna zań jobalaryn engizgenin atap ótti.
«Bul zań jobalary biz úshin asa mańyzdy ári jaýapkershilikti qadam bolyp tabylady. Qarastyratyn zań jobalarynda elimizdiń áleýmettik jáne ekonomıkalyq saıasatyn aıryqsha jaǵdaılarda júzege asyrýdyń negizgi baǵyttary kórinis tapqan», - dedi depýtat.
