Inflıatsııaǵa boljamdy qaıta qaramaımyz - Ulttyq bank tóraǵasy
ATY. 6 sáýir. QazAqparat /Erlik Erjanuly/ - Inflıatsııa deńgeıi tómendep kele jatyr. Bul jaıly Ulttyq bank tóraǵasy Grıgorıı Marchenko búgin Almatyda ótken baspasóz máslıhatynda aıtty.
«QR Statıstıka agenttiginiń resmı derekteri boıynsha, naýryzda ınflıatsııa 0,5 paıyz deńgeıinde qalyptasty. bul ótken jyldyń sáıkes kezeńinde 0,7 paıyzdy quraǵan bolatyn. Inflıatsııa deńgeıi naýryzda qańtar men aqpandaǵy kórsetkishten tómen boldy», -deıdi Grıgorıı Marchenko. Onyń aıtýynsha, ınflıatsııa ótken aıda jyldyq kórsetýde 8,6 paıyzdy qurady. Bul byltyrǵy jyldyń dál osy kezeńinde 3,7 paıyz kóleminde boldy. Al bul kórsetkish alǵashqy toqsanda 3,7 paıyzdy qurap otyr. Byltyr ol 2,9 paıyzdy quraǵan edi. Jalpy Ulttyq bank qazir ınflıatsııaǵa jasaǵan boljamyn jáne qaıta qarjylandyrý mólsherlemesin qaıta qaraýdy josparlap otyrǵan joq.
