Inflıatsııa jappaı ósýi múmkin - Prezıdent

NUR-SULTAN. QazAqparat – Búgin Úkimettiń keńeıtilgen otyrysynda І jartyjyldyqtaǵy áleýmettik-ekonomıkalyq damý qorytyndysyn talqylaý kezinde Prezıdent Qasym-Jomart Toqaev jańa jumys oryndaryn ashýdy tapsyrdy, dep habarlaıdy QazAqparat tilshisi.

«Halyqaralyq ınstıtýttar álemdik ekonomıka qarqyny báseńdeıdi degen boljam aıtýda. Soǵan sáıkes ınflıatsııa jappaı ósýi múmkin. Óńirlik daǵdarystyń uzaqqa sozylyp bara jatqanyn baıqap otyrmyz. Tipti, bul ahýal jahandyq toqyraýǵa ushyratady degen qaýip bar», - dedi Qasym-Jomart Toqaev.

«Osyndaı jaǵdaıda Úkimettiń jáne Ulttyq banktiń negizgi mindeti – ınflıatsııany turaqtandyryp, azamattardyń tabysyn arttyrý bolýǵa tıis. Sondaı-aq, jańa jumys oryndaryn ashý qajet», - dedi Memleket basshysy.

Budan buryn habarlanǵandaı, Premer-Mınıstr Álıhan Smaıylov Úkimettiń keńeıtilgen otyrysynda І jartyjyldyqtaǵy áleýmettik-ekonomıkalyq damý qorytyndysyn baıandady.