Inflıatsııa deńgeıi turaqty - Ulttyq bank tóraǵasy
ALMATY. Qyrkúıektiń 15-i. QazAqparat /Erlik Erjanuly/ - Eldegi makroekonomıakalyq kórsetkishter ózgergen joq, ahýal turaqty. Ony Ulttyq bank tóraǵasy búgin Almatyda ótkizgen baspasóz máslıhatynda málimdedi, dep habarlaıdy QazAqparat.
QR Statıtıka agenttiginiń resmı derekteri boıynsha tamyzda tutyný baǵalarynyń ındeksi 100 paıyz boldy. Ótken jyldyń sáıkes kezeńinde bul 100,2 paıyzdy quraǵan edi. Ulttyq bank tóraǵasy Grıgorıı Marchenkonyń aıtýynsha, qańtar-tamyz aılarynyń qorytyndysy boıynsha ınflıatsııa 4,6 paıyz. Byltyr ol 4,3 paıyz bolǵan. Inflıatsııanyń jyldyq kórsetkishi sońǵy 1,5 jylǵy deńgeıde tur. Tamyzda azyq-túlik taýarlarynyń baǵasy - 5,8 paıyz, azyq-túlikke jatpaıtyn taýarlar - 5,7 paıyz, aqyly qyzmet - 8,3 paıyzǵa ósti. 2009 jyldyń sáıkes kezeńinde ol azyq-túlik taýarlarynda - 3 paıyz, azyq-túlikke jatpaıtyn taýarlarda - 8,6 paıyz, aqyly qyzmet kórsetýde - 8,4 paıyzdy quraǵan bolatyn.
