Inflıatsııa boljamy áli de joǵary – UB
«2023 jylǵy qańtarda jyldyq ınflıatsııa ósý qarqynyn jalǵastyryp, 20,7% boldy. Azyq-túlik ónimderi baǵasynyń ósýi basty qozǵaýshy kúsh bolyp qalýda. Aılyq ınflıatsııa tórt aı qatarynan 1,1%-ǵa deıin baıaýlady (2022 jylǵy qyrkúıektegi 1,8%-dan), biraq áli de ortasha tarıhı mánnen asyp otyr. Aılyq ınflıatsııa sııaqty bazalyq ınflıatsııanyń kórsetkishteri de baıaýlap keledi, biraq, joǵary deńgeıde qalyptasyp otyr», - dep jazylǵan málimette.
Ulttyq bank mamandary qańtarda ınflıatsııa boljamdary jeltoqsandaǵydan tómen bolǵanyn atady. Degenmen, onyń tez baıaýlaýyna kedergi bolatyn fatkorlar kóp kórinedi.
«Inflıatsııalyq kútýler 2022 jylǵy jeltoqsanda sharyqtaý shegine jetkennen keıin tómendedi, bul aldyńǵy boljamnyń alǵysharttaryna sáıkes keledi. Degenmen, ınflıatsııalyq kútýler áli de joǵary jáne olardyń tómendeýiniń aıqyn trendi áli qalyptaspaǵan, bul ınflıatsııanyń tez baıaýlaýyna kedergi jasaıdy» – delingen banktiń habarlamasynda.
Aıta keteıik, Ulttyq banktiń aqsha-kredıt saıasaty komıteti bazalyq mólsherlemeni 16,75% deńgeıinde qaldyrý týraly sheshim qabyldady.