Inflıatsııa áleýmettik jaǵdaıy tómen halyqtyń turmysyn ýshyqtyryp otyr – Altaı Kólginov

ASTANA. QazAqparat –Úkimettiń keńeıtilgen keńesinde Premer-Mınıstrdiń orynbasary Altaı Kólginov eldegi ınflıatsııa áleýmettik jaǵdaıy tómen halyqtyń turmysyn ýshyqtyrǵanyn aıtty, dep habarlaıdy QazAqparat tilshisi.

«Halyqtyń tabysyn arttyrý baǵdarlamasyn jetildirip, Áleýmettik kodeks ázirlendi. Olar boıynsha túsindirý jumystary júrgizilip jatyr. Sonymen qatar bilim berý, mádenıet, sport, týrızm, jastardy qoldaýǵa baǵyttalǵan tujyrymdamalar qabyldandy. Halyqtyń tabysyn arttyrý jáne jumyspen qamtý boıynsha aıtsaq, ınflıatsııanyń ósý saldary ásirese áleýmettik osal taptardyń naqty tabysynyń tómendeýine óz áserin tıgizdi. Eger byltyr ataýly áleýmettik kómek alýshylardyń sany 800 myńǵa jýyq bolsa, tek bylǵy 1 toqsanda olardyń sany 446 myń bolyp otyr. Onyń negizgi bóligi – az qamtylǵan otbasylar», - dedi Úkimet basshysynyń orynbasary.

Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.