Infektsııalyq tósekterdiń júktelimi joǵary óńirler belgili boldy

NUR-SULTAN. QazAqparat –Úkimet otyrysynda QR Densaýlyq saqtaý mınıstri Alekseı Tsoı ınfektsııalyq tósek orynnyń júktemesi azaımaı turǵan óńirlerdi atady, dep habarlaıdy QazAqparat tilshisi.

«24 tamyzdaǵy jaǵdaı boıynsha Qazastanda 474 851 naýqasta koronavırýs rastaldy. 67 870 naýqastan vırýs belgisinsiz aýrý tirkeldi. Túrkistan oblysynan basqa óńirlerdiń bári «qyzyl» aımaqta. Sońǵy eki apta boıynda Qazaqstanda koronavırýs ınfekııasynyń birtindep tómendeýi baıqalyp otyr. Sońǵy eki aptada aýrý juqtyrý deńgeıi 10 paıyz tómendedi. 1 tamyzdan bastap aýrýdyń taralý ındeksi respýblıka kóleminde 2,1 esege – 1,11-den 0,93-qa tústi», - degen mınıstr ınfektsııalyq tósekterdiń júktelimi de azaıa bastaǵanyn atap ótti.

«Infektsııalyq tósekterdiń júktelimi 49 paıyzdy, reanımatsııalyq tósekterdiń júktelimi 46 paıyzdy qurap otyr. Sońǵy eki aptada ınfektsııalyq tósekterdiń júktelimi 12 paıyz tómendedi. Tósekterdiń joǵary júktelimi Aqtóbe oblysynda (68 paıyz), Almaty qalasynda (61 paıyz), Almaty oblysynda (59 paıyz) tirkelip otyr», - dedi Alekseı Tsoı.

Sondaı-aq, ol Úkimet otyrysynda kúzdegi epıdahýaldyń úsh stsenarııdegi yqtımal boljamyn aıtty.

«Mınıstrlik qarasha aıyna deıingi epıdemıologııalyq boljamdy jańartty. Pessımıstik stsenarıı boıynsha qyrkúıek aıynda 6 300 jaǵdaıǵa, qazan aıynda 2400 jaǵdaı jetedi. Shynaıy stsenarıı boıynsha qyrkúıekte 5 400 jaǵdaıǵa, qazanda 1 800 jaǵdaıǵa jetedi. Optımıstik stsenarıı jaǵdaıynda qyrkúıekte 4 200 jaǵdaıǵa, qazanda 1 300 jaǵdaıǵa jetedi», - dedi mınıstr.