Infektsııalyq statsıonarǵa túsip jatqandardyń ár onynshysy ǵana vaktsına alǵan – ıÝrıı Belonog

PETROPAVL. QazAqparat – Soltústik Qazaqstan oblysyndaǵy kópbeıindi aýrýhananyń bas dárigeri ıÝrıı Belonog koronavırýsqa qarsy vaktsınalaýǵa qatysty pikirin bildirdi, dep habarlaıdy QazAqparat tilshisi.

SQO kópbeıindi aýrýhananyń bas dárigeri ıÝrıı Belonog emdeý mekemesiniń ınfektsııalyq statsıonar syrqattaryna qatysty zertteý júrgizip, statıstıkamen bólisti. Bul jaıynda ol Facebook áleýmettik jelisindegi jeke paraqshasynda jazdy.

Bas dáriger ótken aptanyń juma kúni jáne búgin bir aptadan keıin aýrýhanadaǵy ınfektsııalyq statsıonar emdelýshilerimen kezdesip, syrqattardy qarap ótken. Ár palatada aýyryp jatqandarmen sóılesip, olardan koronavırýsqa qarsy vaktsına alǵan-almaǵanyn suraǵan.

«Ótken aptada 108 syrqat bolsa, sonyń tek toǵyzy ǵana vaktsınatsııanyń tolyq kýrsynan ótken. Búgin 112 syrqat jatsa, sonyń tek 15-i ǵana ekpe qoıdyrǵan. Olardyń alǵan vaktsınalary ártúrli: Spýtnık V, Hayat-Vax jáne QazVac. ıAǵnı qazir aýyryp jatqandardyń ár onynshysy ǵana vaktsına alǵan. Onyń ishinde sondaı-aq vaktsınatsııa boıynsha «kelisken» syrqattar da bolýy múmkin. Óıtkeni suraǵan kezde olar óte senimsiz jaýap berdi.

Vaktsına alǵan syrqattardyń barlyǵynyń jaǵdaıy ortasha. Aıta keteıin, vaktsına alǵandardyń eshqaısysy bizde jansaqtaý bóliminde jatqan joq. Árıne, sany boıynsha bul irikteý statıstıkalyq mańyzdy emes, desek te shynaıy! Qorytyndy: vaktsınalar óz mindetin oryndap jatyr, ol qorǵaıdy! Ózderińizdi jáne jaqyndaryńyzdy qorǵańyzdar!», - dep jazdy dáriger ıÝrıı Belonog.