Infektsııa oshaqtary týraly Almatyda taraǵan aqparat jalǵan – ákimdik
ALMATY. QazAqparat – Almatyda koronavırýs ınfektsııasynyń oshaqtary anyqtalǵany týraly áleýmettik jelide tarap jatqan aqparat jalǵan. Bul týraly qala ákiminiń baspasóz qyzmetinen málimdedi, dep habarlaıdy QazAqparat tilshisi.
Atap aıtsaq, tarap jatqan aqparatta indet tirkelgen qaýipti aımaqtardyń tizimi kórsetilgen. Olardyń ishinde Baǵanashyl shaǵynaýdany, Gogol-Seıfýllın, Gogol-Qonaev kósheleri, «Suńqar» turǵyn úı kesheni, «Altaı 1» shaǵynaýdany kórsetilgen. Sondaı-aq «vırýs juqtyrǵandardyń mekenjaılary» dep 12 úıdiń tizimi berilgen.
Qala ákiminiń baspasóz qyzmetiniń basshysy Áset Muqajanov bul aqparattyń barlyǵy jalǵan ekendigin málim etti.
