Infektsıonıst maman koronavırýs pen tumaýdyń aıyrmashylyǵyn túsindirdi
«Koronavırýs ınfektsııasy qaıtadan qatty órship ketpes úshin ne isteý kerek? Ol týraly sóz qozǵamaı turyp mynadaı máseleni qaýzap ótsem deımin. Іndetti aldyn alýdyń naqty qandaı joldary bar? Ózińiz biletindeı, kúz ben qysta ótkir respıratorlyq vırýsty ınfektsııalar órshıtindikten, sonyń aıasynda koronavırýs ınfektsııasyn juqtyrý jaǵdaıy da artyp barady. Aldyn alý sharalary degen kezde spetsıfıkalyq aldyn alý sharasyn umytpaý kerek. ıAǵnı biz tumaýdy azaıtý úshin halyqtyń belgili bir bóligine vaktsına saldyramyz. Eń birinshi kezekte balalarǵa, birneshe aýrýy bar azamattarǵa, ımmýnıteti álsiz adamdarǵa ekpe jasalady. Odan bólek, spetsıfıkalyq sıpattan tys aldyn alý sharalary bar. Ol bizdiń jalpyǵa ortaq gıgıenamyzǵa, maska taǵýymyzǵa, áleýmettik qashyqtyqty saqtaýymyzǵa, buqaralyq sharalarǵa nemese oryndarǵa barýdan shektelýimizge baılanysty. Aýrýdy aldyn alýdyń negizgi joldary osy», - dedi Tatıana Tsechoeva QazAqparat tilshisine.
Infektsııalyq ortalyqtyń basshysy koronavırýs ınfektsııasyn juqtyrýdyń alǵashqy belgilerin esine saldy.
«Bul ınfektsııanyń ereksheligi: halyqtyń 70-75 paıyzy koronavırýsty jeńil jáne sımptomsyz dárejede kóterýinde. Alǵashqy sımptomdary: kez kelgen vırýsty ınfektsııa sekildi dene qyzýynyń kóterilýi, bulshyqetterdiń aýyrýy, bas aýrýy, ıis sezý qabiletiniń álsireýi. Aýrýdyń bul belgileri bir ýaqytta, keıde tipti jeke-jeke de baıqalýy yqtımal. Denede álsizdik baıqalyp, ter basady. Bul belgiler baıqalǵan jaǵdaıda naýqas jergilikti emhanaǵa habarlasyp, sodan keıin bul adamdy emdeýdiń joldaryn qarastyrady», - dedi ol.
Sonymen qatar Tatıana Tsechoeva koronavırýs pen tumaýdyń aıyrmashylyǵy týraly sóz qozǵady.
«Osy vırýsty aýrýlardyń belgileriniń bári uqsas. Alaıda koronavırýs ınfektsııasyn juqtyrǵan adamda negizgi «nysana» - ókpe. Adamnyń ókpesinde tromb túzilýi múmkin. Osydan keıin bakterııalyq floranyń belsendiligi kúsheıip, ókpe qabynady. Eger JRVI men tumaý barysynda vırýsqa qarsy ımmýnıtetimizdi kúsheıtetin dárilerdi qabyldasaq, koronavırýs juqtyrǵan kezde biz ol dárilerdi paıdalanbaımyz. Sebebi tsıtokındi silkinis paıda bolady. Al bizge kerisinshe ony basatyn preparattardy qabyldaý kerek», - deıdi maman.
