Infektsıonıst dáriger: Italııa men AQSh-taǵy jaǵdaıdan sabaq alý kerek
NUR-SULTAN. QazAqparat – Qazaqstannyń jetekshi ınfektsıonıst dárigeri, medıtsına ǵylymdarynyń doktory Dınagúl Baesheva KVI qaýpinen saqtaný úshin syrtqa sebepsiz shyqpaýdy taǵy da halyqtyń esine saldy, dep habarlaıdy QazAqparat tilshisi.
«Koronavırýsqa báribir – birinshi tolqyn ba, jıyrmasynshy tolqyn ba — aıyrma joq. Vırýsqa jaz ba, kúz be, qazaqsyń ba, gúrjisiń be – báribir. Ol eń aldymen óziniń kóbeıý jolyn izdeıdi. Mindeti - ókpege jetse boldy. Qazir koronavırýs JRVI nemese pnevmonııa arqyly belgili bolyp otyrǵan joq. Sol sebepti biz sozylmaly aýrýlary bar adamdarǵa mańyz berip kelemiz. Koronavırýs juqtyrǵan adamnyń burynnan bergi sozylmaly aýrýy qozyp ketýi yqtımal», - dedi Dınagúl Baesheva Densaýlyq saqtaý mınıstrliginiń Facebook paraqshasyndaǵy «Mınıstrlik habarlaıdy» aıdarynda.
Infektsıonıst dárigerdiń aıtýynsha, osyǵan deıin Qazaqstan qatań shekteý sharalaryn engizgenimen ekonomıkadaǵy týyndaǵan qıyndyqtarǵa baılanysty shekteý sharalaryn alýǵa májbúr bolǵan.
«Biraq úsh aıdyń ishinde adamdar koronavırýsqa qarsy kúresti úırenip alatyndaı ýaqyt boldy. Sebebi quryp ketken joq. Aramyzda júr. Qaýpin sezine júrýimiz kerek. Máselen, Ońtústik Koreıada bir monashka ǵana 300 adamdy juqtyrǵan. ıAǵnı mundaı oshaqtar kez kelgen ýaqytta týyndaýy múmkin. Sondyqtan bizdiń mindet – jaǵdaıǵa qaraı beıimdelý. Qajettilik týyndamaǵan jaǵdaıda syrtqa shyqpaǵan abzal», - dedi ol.
Dınagúl Baesheva Italııa men AQSh-taǵy jaǵdaıdy umytpaýǵa shaqyrdy.
«Ol jaqtaǵy adamdar jınalyp alyp, vırýsty kózge ilgisi kelmegendikten, ahýal qıyndap ketti. Al Sıngapýr, Taıland elderi aqyryn júrip, anyq basyp keledi. Sonda ǵana týǵan-týystarymyzdy, dostarymyzdy qaýipten saqtaı alamyz», - dedi ol.
Eske sala ketsek, buǵan deıin Dınagúl Baesheva Qazaqstan koronavırýs ınfektsııasymen kúres tásilin nelikten ózgertkenin aıtyp bergen bolatyn.
