Infarkttan keıin aman qalǵan azamat ózin qutqarǵandardy «ábden tamaqqa toıdyrýǵa» ýáde berdi
ASTANA. 5 naýryz. QazAqparat - Júregi toqtap qalǵan amerıkandyq azamat 25 adam onyń júregine bir jarym saǵat boıy massaj jasaǵannan keıin aman qalyp otyr,
dep habarlaıdy «Maıak» radıostansasy,
Mınnesota shtatyndaǵy Gýdhıý degen shaǵyn qalashyqtyń 54 jastaǵy turǵyny jergilikti maı quıý stansasynyń janynda, kóshede esinen tanyp qalady. Maı quıý stansasynda eńbek etetin, kezinde órt sóndirý brıgadasynda jumys istegen kezderinde alǵashqy járdem kórsetýdiń ádisterin úırengen aǵaıyndy El jáne Roı Lodermaıerler dereý onyń tamyrynyń soqpaı qalǵanyn anyqtaıdy da, júregine massaj jasaı bastaıdy. 15 mınýttyń ishinde olarǵa kóshede ketip bara jatqan taǵy 20 shaqty adam qosylady, medıtsınalyq tikushaq kelgenshe olar birin-biri almastyryp júrekke massaj jasaıdy. Álgi azamattar 1,5 saǵat boıy massaj jasap, Snıttserdiń qan aınalymyn toqtatpaıdy.
Klınıkada júrgizilgen tekserý, júrektiń toqtap qalýyna ınfarkt sebep bolǵanyn kórsetedi. "Qazir patsıenttiń jaǵdaıy jaqsaryp qaldy", - deıdi dárigerler. Aspazshy Snıttser endi óz qutqarýshylaryn «ábden tamaqqa toıdyrýǵa» ýáde berip otyr.
