Indýstrııalyq-ınovatsııalyq baǵdarlama aıasyndaǵy tyń jobalar jańa ındýstrııalyq revolıýtsııaǵa daıyndyq - Memleket basshysy
«Dáriste Siz adamzatty jańa beleske kóteretin úshinshi ındýstrııalyq revolıýtsııa kele jatqanyn aıttyńyz. Qoǵamdaǵy osyndaı revolıýtsııaǵa Qazaqstannyń daıyndyǵy qandaı jáne ol daıyndyqty arttyra túsý úshin ne isteý kerek?», - dep Nazarbaev Ýnıversıtetiniń 2 kýrs stýdenti Ǵalym Baıtymbetov qoıǵan saýalǵa Elbasy: «Naǵyz bizdiń damýymyz tek qana keıingi 12 jyldyń ishinde boldy. Sol 12 jyl bolǵanyna qaramaı, biz ındýstrııalyq-ınnovatsııalyq baǵdarlamany negizge aldyq. Sebebi, Qazaqstan jer qoınaýy resýrstaryna qarap qalmaýy kerek. Bizde tek munaı-gaz ǵana emes, sonymen qatar altyn, kúmis, metaldar, tyńaıtqyshtar da jetkilikti. Biraq olardyń baǵasy qubylmaly», - dep jaýap qaıtardy. Osy oraıda Prezıdent shıkizatqa baǵynbaıtyn ekinshi ekonomıkany, ıaǵnı ındýstrııalyq ekonomıkaǵa baǵyt alynǵanyn jetkizdi.
Memleket basshysy osyǵan sáıkes Qazaqstanda túrli salalarda tyń jobalar iske asyrylyp jatqanyn aıta kele, «osynyń barlyǵy soǵan daıyndyq bolyp sanalady. Biraq, bul áli de az. Qazirgi ońtaıly kezde Batystaǵy tehnologııalardy kóbirek satyp alýymyz qajet. Alaıda, olar ozyq tehnıkalaryn ońaılyqpen bere salmaıdy. Ózine ózi básekeles jasaýǵa kim múddeli? Sondyqtan jańalyqtardy osy jerde ózimiz tabýymyz kerek. Ózimiz shyǵaryp, ınnovatsııalardy osy jerde tabýymyz shart. Atalǵan ındýstrııalyq revolıýtsııaǵa kerekti bilimdi, ǵylymdy elimizde shyǵarýymyz tıis», - dedi.
