Indýstrııalyq-ınnovatsııalyq údemeli damý baǵdarlamasyn júzege asyrý men baqylaý jergilikti basqarý organdary quzyryna kirmeıdi
Bul Almatyda ótken «Daǵdarystan keıingi damý: jańa onjyldyqtaǵy jańa múmkindikter» dep atalatyn dóńgelek ústel jıynynda aıtyldy, dep habarlaıdy QazAqparat.
«Qazirgi normatıvtik aktilerde jergilikti basqarý organdarynyń quzyryna ındýstrııaldyq-ınnovatsııalyq damý baǵdarlamasyn júzege asyrý men baqylaýdy basqarý kirmeıdi. Osy arada jańa normatıvtik aktiler jasaý kerek pe degen oı týýy múmkin. Bul qanshalyqty oryndy bolady. Óıtkeni ındýstrııaldyq-ınnovatsııalyq údemeli damý baǵdarlamasy salalar boıynsha jasalǵan. Bizdiń paıymdaýymyzsha, jergilikti atqarýshy organdardaǵy kadrlyq quramnyń ókilettikteri oǵan qaıshy keledi», deıdi QR Prezıdenti janyndaǵy Memlekettik basqarý akademııasynyń Memlekettik jáne jergilikti basqarý ınstıtýty dırektorynyń orynbasary Álııa Kenjebaeva. Onyń sózine qaraǵanda, ındýstrııaldyq-ınnovatsııalyq údemeli damý baǵdarlamasy saýatty jasalǵan. Ony iske asyrý mehanızmderi de jazylǵan. Alaıda júzege asyrý quraldary kóńildegideı emes. Jergilikti basqarý organdarynda ony basqarýǵa resýrs joq. Sondyqtan mınıstrlikter ekinshi qatarda qalmaı, qaıta olar baqylaýdy burynǵydan da qataıtýy kerek.
