Indýstrııalyq-ınnovatsııalyq damý baǵdarlamasy boıynsha barlyq daıyndyq jumystary aıaqtaldy - Á.Isekeshev
sp;ASTANA. Jeltoqsannyń 22-si. QazAqparat /Arman Asqarov/ - Búgingi tańda elimizdiń ındýstrııalyq-ınnovatsııalyq damý baǵdarlamasy boıynsha barlyq daıyndyq jumystary aıaqtaldy deýge bolady. Bul týraly búgin Indýstrııalyq-ınnovatsııalyq damý jónindegi úılestirý keńesiniń kezekti otyrysynda QR Indýstrııa jáne saýda mınıstri Áset Isekeshev málim etti.
Onyń sózine qaraǵanda, osy ýaqytqa deıin atalǵan baǵdarlama boıynsha úsh kóshpeli memlekettik komıssııanyń otyrysy ótip, 60-qa jýyq keńes uıymdastyryldy.
«Búginde elimizdiń ındýstrııalyq-ınnovatsııalyq damý baǵdarlamasy boıynsha barlyq daıyndyq jumystary aıaqtaldy deýge bolady, sondyqtan biz bul qujatty kelesi jyldyń qańtar aıynda Úılestirý keńesi músheleriniń qaraýyna engizýdi josparlap otyrmyz. Eger 2009 jyl biz úshin daıyndyqpen ótse, 2010 jylda biz osy baǵdarlama aıasynda qarastyrylǵan barlyq jumystardy júzege asyratyn bolamyz. Elbasy osy qujatqa qol qoıǵannan keıin belsendi jumys ýaqyty bastalatyn bolady. Al qurylys naýqany ashylǵan kezde, ındýstrııalyq-ınnovatsııalyq damý baǵdarlamasy aıasynda nysandardy salýdy bastaımyz», dedi mınıstr.
