Indýstrııalyq baǵdarlama aıasynda kadr jaıy nómiri birinshi másele bolyp otyr - Á. Isekeshov
Bul týraly QR Parlamenti Májilisinde «Eldiń údemeli ındýstrııalyq-ınnovatsııalyq damýynyń 2010-2014 jyldarǵa arnalǵan baǵdarlamasy týraly» degen taqyrypta ótken Úkimet saǵatynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshov málim etti, dep habarlaıdy QazAqparat.
«Jaqsy, joǵary bilikti kadrlarsyz jańa jobalardy ıgerý de múmkin emes. Sondyqtan da bul máselege úlken nazar aýdarylyp keledi, árbir salalyq baǵdarlama boıynsha biz kadrlarmen qamtamasyz etý bólimin uıymdastyratyn bolamyz. Máselen, qazirdiń ózinde biz barlyq oblystar boıynsha qurylatyn kásiporyndarda kim, qalaı jumys isteıtinin, olardy qandaı oqý orny ázirlep jatqanyn zertteýdemiz. Olardyń sapalyq deńgeıine de basa mán beretin bolamyz. Óıtkeni, bizge kadr ázirleýde jańa standarttar kerek», dedi Á. Isekeshov.
Onyń aıtýynsha, ındýstrııalyq baǵdarlama sheńberindegi barlyq jobalarǵa qatysty naqty jumystar atqarylýda, al aldaǵy kezeńdegi jańa jobalar úshin salalyq qorytyndylar shyǵarylýy tıis. «Bul qorytyndyda - ótkizý naryǵy, qandaı tehnologııa qoldanylǵany, onda qandaı mamandar jumys isteıtini, memleket tarapynan qandaı kómek qajet ekendigi, bári jazylyp kórsetilýi shart», dedi Á. Isekeshov.
