Indýstrııalandyrýdyń jańa 5 jyldyq baǵdarlamasy qabyldanady
«Jyl sońyna deıin Indýstrııalandyrýdyń 2020-2025 jyldarǵa arnalǵan memlekettik baǵdarlamasy qabyldanady. Baǵdarlamany iske asyrýdyń nátıjesinde eńbek ónimdiligin 1,7 ese naqty ósýi, óńdeý ónerkásibi eksportynyń kóleminiń 2,3 ese ósýi, negizgi kapıtalǵa ınvestıtsııalar 2,3 ese ósýi bolady. Baǵdarlama aıasynda biz eksportqa baǵyttalǵan ındýstrııalandyrýdy damytýǵa, sondaı-aq tsıfrlyq tehnologııalar men ınnovatsııalardy engizýge basa nazar aýdaramyz», - dedi vıtse-premer búgin Memleket basshysynyń Qazaqstan halqyna Joldaýyn talqylaýǵa arnalǵan Úkimet otyrysynda.
Sonymen qatar ol bıylǵy jyly kásipkerlikti damytýǵa baǵyttalǵan teńdessiz sharalar qabyldanǵanyn aıtty.
«Qarapaıym zattar» ekonomıkasy baǵdarlamasy aıasynda 600 mlrd teńge bólindi. Sonyń 450 mlrd teńge ınvestıtsııalyq maqsattarǵa baǵyttalatyn bolady. Qalǵan 150 mlrd teńge nesıeni arzandatýǵa jáne jumys istep turǵan bıznesti damytýǵa baǵyttalady», - dedi ol Jeńis Qasymbek.
Týrızmdi damytý máselesine de toqtalǵan vıtse-premerdiń aıtýynsha, osy jyldyń mamyrynda «Týrıstik qyzmetti damytýdyń» memlekettik baǵdarlamasy qabyldanǵan. Alǵashqy 10 baǵyt anyqtalǵan. Olardyń aıasynda ınfraqurylym, kásiptik bilim berýdiń halyqaralyq týrıstik ınstıtýtyn qurý máseleleri qaralǵan. Jalpy týrızmdi damytý máselesi Úkimettiń nazarynda tur.
